menu images menu images menu images menu images

SƏSVERMƏ

  • Sizcə məişət zorakılığının kökündə nə durur?

    Nəticələr

    Loading ... Loading ...

Dövlət Komitəsinin sədri Hicran Hüseynova BMT-nin Mərkəzi Asiya İqtisadiyyatları üçün Xüsusi Proqramının Gender və İqtisadiyyat üzrə Tematik İşçi Qrupunun iclasında çıxış edib

27 fevral 2017-ci il tarixində Cenevrə şəhərində BMT-nin Mərkəzi Asiya İqtisadiyyatları üçün Xüsusi Proqramının (SPECA) Gender və İqtisadiyyat üzrə Tematik İşçi Qrupunun iclası keçirilib.

İclasa BMT-nin Mərkəzi Asiya İqtisadiyyatları üçün Xüsusi Proqramının (SPECA) Gender və İqtisadiyyat üzrə tematik Qrupunun rəhbəri kimi Azərbaycan sədrlik edib. Tədbirdə Ailə, Qadın və Uşaq Problemləri üzrə Dövlət Komitəsinin sədri Hicran Hüseynovanın başçılıq etdiyi nümayəndə heyəti iştirak edib.

Çıxış edən Dövlət Komitəsinin sədri Hicran Hüseynova tədbir iştirakçılarını salamlayaraq, bildirib ki, əvvəlki görüşlərimizdəki kimi biz iqtisadiyyatda qadınların inkişafı məsələsini müzakirə edəcəyik, dayanıqlı inkişaf məqsədləri və digər istiqamətlərdə təcrübə mübadiləsi aparacağıq. “2014-ci ildəki son iclasımızdan bu yana biz, xüsusən də, iqtisadiyyatda qadınların səlahiyyətlərinin genişləndirilməsi sahəsində xeyli irəliləyişlər və nailiyyətlər əldə etdik. Bu gün görüşümüzün əsas məqsədi iqtisadi sahədə gender bərabərliyi üçün vacib olan dayanıqlı inkişaf məqsədlərinə diqqət çəkməkdir”.

Hicran Hüseynova qeyd edib ki, Azərbaycanda ölkə başçısı cənab İlham Əliyevin Sərəncamı ilə Davamlı İnkişaf üçün Milli Koordinasiya Şurası yaradılmışdır və bu addım BMT tərəfindən yüksək qiymətləndirilmişdir. Şuranın əsas məqsədi davamlı inkişaf məqsədlərinə uyğun olaraq, sosial-iqtisadi sahəni əhatə edən dövlət proqramları və strategiyalarını həyata keçirməkdir. Hər ay iqtisadi inkişaf və məşğulluq, sosial və ekoloji məsələlər, monitorinq və qiymətləndirmə üzrə işçi qruplarının iclası keçirilir.

Hicran Hüseynova bildirib ki, BMT-nin Mərkəzi Asiya ölkələrinin iqtisadiyatları üçün Xüsusi Proqramının “Əməkdaşlıq vasitəsilə davamlı inkişaf məqsədlərinin həyata keçirilməsinin gücləndirilməsi” mövzusunda İqtisadi Forum və Rəhbərlər Şurasının 11-ci sessiyası 22-23 noyabr, 2016-cı il tarixində Gəncə şəhərində keçirilmiş və Gəncə Bəyənnaməsi qəbul edilmişdir.

Qadınların iqtisadi müstəqilliyi, siyasi və ictimai həyatında fəal iştirakının əsas məsələlərdən biri olduğunu qeyd edən Dövlət Komitəsinin sədri bildirib ki, ölkə başçısı biznes müəssisələrinin, sahibkarlıq obyektlərinin inkişafı üçün əlverişli şəraitin yaradılmasına və fəaliyyətinə xüsusi diqqət yetirir. Sahibkarlığa Kömək Milli Fondu tərəfindən də qadın sahibkarlığının inkişafı, xüsusən də kənd yerlərində qadınların sahibkarlığa cəlb edilməsi üçün geniş dəstək təmin edilir.

Hicran Hüseynova bildirib ki, 2017-ci ildə Strateji Yol Xəritəsi təsdiq edilmişdir. O, Prezidentin sərəncamı ilə yaradılan ABAD (Ailə Biznesinə ASAN Dəstək) haqqında geniş məlumatı iştirakçıların diqqətinə çatdırıb. Komitə sədri qeyd edib ki, ABAD sosil-iqtisadi inkişafda vətəndaşların fəal iştirakını təmin etmək, ailə əməyinə əsaslanan təsərrüfatların fəaliyyətini dəstəkləmək, kiçik və orta sahibkarlığı stimullaşdırmaq, əhalinin məşğulluğunun artırılması sahəsində əlavə imkanları yaratmaq məqsədilə yaradılmışdır.

O diqqətə çatdırıb ki, bu gün çalışan qadınların 69 %-i özəl sektorda, 31 %-i isə dövlət sektorundadır. Qadın sahibkarların sayı 2016-ci ildə 143090 nəfərə çatmışdır, lakin əvvəlki illərdə bu rəqəm aşağı olmuşdur .

Dövlət Komitəsinin sədri sahibkarlığın inkişafı istiqamətində Komitə tərəfindən həyata keçirilən digər tədbirləri, aparılan müzakirələri və əldə edilən nəticələri də diqqətə çatdırıb. O, Komitənin BMTİP ilə əməkdaşlıq çərçivəsində bukletlər, tədris materialları hazırlanaraq gənc kənd qadınlar arasında sahibkarlığın inkişafı üçün istifadə edilmişdir. Komitə tərəfindən bölgələrdə “Gələcəyinizi Planlaşdırın”, “Ailə büdcəsinin idarə edilməsi” mövzularında təlimlər keçirilir.

Tədbirdə digər ölkələrin nümayəndələri tərəfindən qadınların iqtisadiyyatda irəliləməsi və gender bərabərliyi üzrə BMT-nin Dayanıqlı İnkişaf Məqsədlərinə nail olmaq istiqamətində SPECA ölkələrində görülən işlərin müzakirəsi aparılıb.

Tədbir çərçivəsində Dövlət Komitəsinin sədri Hicran Hüseynovanın BMT-nin Ərzaq və Kənd Təsərrüfatı Təşkilatının (FAO) Mərkəzi Asiya və Avropa Regional Büronun gender bərabərliyi və sosial məsələlər üzrə eksperti Dono Abdurazakova ilə görüşü keçirilib, kənd yerlərində kiçik və orta qadın sahibkarlığının inkişaf etdirilməsi müzakirə edilib.

 

17005889_1866146423669777_143830454_n 17035633_1866146397003113_1552456275_n (1)

image_pdfimage_print

“Mən həyatı seçirəm” adlı genişmiqyaslı maarifləndirmə layihəsi çərçivəsində növbəti tədbir keçiriləcək

Ailə, Qadın və Uşaq Problemləri üzrə Dövlət Komitəsi tərəfindən mütəmadi olaraq Respublikamızın şəhər və rayonlarında reproduktiv sağlamlıq və sağlam həyat tərzinin təbliği, gənclərin asudə vaxtın səmərəli şəkildə təşkili, onların ailə həyatına hazırlığı və digər mövzular ətrafında müxtəlif layihələr həyata keçirilir.

Bu istiqamətdə keçirilən layihələrin davamı olaraq, “Mən həyatı seçirəm” adlı genişmiqyaslı maarifləndirmə layihəsi çərçivəsində növbəti tədbirin 28 fevral
2017-ci il tarixində, saat 12:00-da Azərbaycan Milli Koservatoriyası nəzdində Musiqi Kollecində  keçirilməsi nəzərdə tutulur. Tədbirdə  ekspert qismində “Sağlam ailə” Tibb Mərkəzinin əməkdaşlarının  iştirakı  da  nəzərdə tutulur.

Layihə çərçivəsində keçiriləcək tədbirdə sağlam həyat tərzi, reproduktiv sağlamlıq, erkən nikah, nikahdan əvvəl tibbi müayinənin təbliği,  ailə planlaşdırılması, uşaqların ana südü ilə qidalanması, qeyri–infeksion xəstəliklərin profilaktikası, talassemiya ilə mübarizə və ziyanlı vərdişlərin (narkomaniya, alkoqolizm, siqaret, QİÇS) yaratdığı fəsadlar və digər mövzular ətrafında müzakirələr keçiriləcəkdir.

image_pdfimage_print

Mərdəkan qəsəbəsi 2 saylı İnternat məktəbdə insan alveri ilə bağlı tədbir keçirildi

Ailə, Qadın və Uşaq Problemləri üzrə Dövlət Komitəsi tərəfindən “İnsan alverinə qarşı mübarizəyə dair 2014-2018-ci illər üçün Milli Fəaliyyət Planı”nın 13.5.3 bəndinin  icrası istiqamətində dövlət himayəsində olan uşaqların yetkinlik yaşına çatdıqdan sonra insan alveri riski qrupuna daxil olmaması məqsədilə onlara sosial-psixoloji xidmətlər,  sosial-məsləhət yardımı göstərilməsi ilə bağlı  görüşlərin keçirilməsi nəzərdə tutulur.

Bu məqsədlə fevral ayının 24-də Xəzər rayonu Mərdəkan qəsəbəsi 2 saylı İnternat məktəbin yuxarı sinif şagirdləri ilə sorğu keçirilib, yeniyetmələrin fikri öyrənilib, daha sonra maarifləndirmə tədbiri keçirilib.  Tədbiri giriş sözü ilə internat məktəbin direktoru açdıqdan sonra İnsan Alverinə qarşı Mübarizə Baş İdarəsinin, AQUPDK-nın nümayəndəsinin mövzuya dair təqdimatları dinlənilib, müzakirələr aparılıb.  Şüvəlan Uşaq və Ailələrə Dəstək Mərkəzinin direktoru Xəzər rayonu ərazisində profilaktika məqsədilə mərkəz tərəfindən aparılan işlərdən danışaraq, mərkəzdə həyata keçirilən sosial-psixoloji xidmətlər haqqında məlumat verib. Tədbirdə, ümumilikdə, 60-dan çox şagird iştirak edib.

Sonda iştirakçılara maarifləndirici məlumat vərəqləri paylanılıb.

 

IMG_0768

image_pdfimage_print

Xocalı soyqırımının 25-ci ildönümünə həsr olunmuş “Xocalı faciəsi: unudulmayan tarix və günahsız uşaqlar” adlı tədbir keçirildi

Ailə, Qadın və Uşaq Problemləri üzrə Dövlət Komitəsi tərəfindən 24 fevral 2017-ci il tarixində “Holiday Inn” otelində Xocalı soyqırımının 25-ci ildönümünə həsr olunmuş “Xocalı faciəsi: unudulmayan tarix və günahsız uşaqlar” adlı tədbir keçirilib. Tədbir Xocalı soyqırımı qurbanlarının abidəsi qarşısında faciə qurbanlarının xatirəsinin yad edilməsi ilə başlanıb. Tədbirdə, Qaçqınların və Məcburi Köçkünlərin İşləri üzrə Dövlət Komitəsi, Əsir və itkin düşmüş, girov götürülmüş vətəndaşlarla əlaqədar Dövlət Komissiyasının nümayəndələri, işğal olunmuş rayonların nümayəndələri və digər qonaqlar iştirak ediblər. Tədbiri giriş sözü ilə açan Ailə, Qadın və Uşaq Problemləri üzrə Dövlət Komitəsinin sədri Hicran Hüseynova bildirib ki, XX əsrin faciəsi olan Xocalı soyqırımı aqressiv və cinayətkar erməni siyasətinin nəticəsidir. Bu, təkcə Azərbaycan xalqına deyil, bütün insanlığa, bəşəriyyətə qarşı yönəlmiş ən ağır cinayətlərdən biridir. Hamıya məlumdur ki, müharibələrin qurbanı olan insanlar ciddi psixoloji təsirlərə məruz qalırlar. Bu təsirlərin davamı kimi xəstə uşaqlar dünyaya gəlir, ailələrdə gərginlik yaşanır. Dövlət Komitəsinin sədri qeyd edib ki, bu gün Xocalı soyqırımının səbəblərini araşdırarkən ilk növbədə Azərbaycanın həmin dövrdə tamamilə təkləndiyini, təzyiqə məruz qalmasını, ordumuzun zəif olmasını qeyd etməliyik. “Yalnız Ümummilli Lider Heydər Əliyevin ölkə rəhbərliyinə qayıdışından sonra ölkəmiz informasiya blokadasından çıxdı. Azərbaycan həqiqətləri, o cümlədən, Xocalı soyqırımı dünya ictimaiyyətinə çatdırıldı. Bu gün bizim qarşımızda duran başlıca vəzifə bu cinayətin soyqırım kimi beynəlxalq hüquqi qiymət almasına nail olmaqdır. Hazırda Azərbaycan Prezidenti cənab İlham Əliyev, dövlət qurumları, vətəndaşlarımız, xaricdəki soydaşlarımız tərəfindən Xocalı həqiqətlərinin dünyaya çatdırılması, onun əsl soyqırımı aktı kimi tanıdılması istiqamətində mühüm addımlar  atılır. Ali Baş Komandanın əmri ilə ordumuz işğal altında olan torpaqlarımızın azad olunması istiqamətində  hər  an qətiyyətli addım atmağa hazırıdır.” Qaçqın və məcburi  köçkünlərin, eyni zamanda, atəşkəs dövründə  ziyan dəymiş evlərin inşası, sosial obyektlərin təmiri ilə sosial müdafiəsi, onların mənzil-məişət şəraitlərinin yaxşılaşdırılması məsələsinin Azərbaycan Hökumətinin  qarşısında duran əsas vəzifələrdən biri olduğunu diqqətə çatdıran Hicran Hüseynova bildirib ki, ümumiyyətlə, 2001-2016-cı illər bütün sosial-texniki infrastruktura malik 95 müasir qəsəbə salınmış, 50 min ailə və ya 250 min nəfər qaçqın və məcburi köçkünün mənzil-məişət şəraiti yaxşılaşdırılmışdır.  Yeni salınmış yaşayış məntəqələrində  150 məktəb, 6 musiqi məktəbi,  59 uşaq bağçası, 58 tibb məntəqəsi, 50 mədəniyyət mərkəzi, 2 olimpiya İdman kompleksi tikilmiş, müasir tələblər əsasında infrastruktur yaradılmışdır. Dövlətimiz münaqişə müddətində 1437 nəfərin əsir və girovluqdan azad edilməsinə nail olmuşdur ki, bunlardan da 210 nəfəri uşaqlardır. Hicran Hüseynova Xocalı soyqırımının beynəlxalq səviyyədə düzgün qiymətinin tapması istiqamətində Heydər Əliyev Fondu, və onun prezidenti, Respublikanın 1-ci vitse-prezidenti Mehriban Əliyevanın, eləcə də Fondun vitse- prezidenti Leyla Əliyevanın təşəbbüsünün çox diqqətəlayiq olduğunu xüsusilə vurğulayıb. Tədbirdə mövcud real faktları, məlumatları beynəlxalq ictimaiyyətin diqqətinə çatdırmaq, dünya birliyini xalqımıza, eləcə də azyaşlı uşaqlara qarşı törədilmiş qanunsuz erməni vəhşiliyi, cinayətləri barədə bir daha məlumatlandırmaq məqsədilə Ailə, Qadın və Uşaq Problemləri üzrə Dövlət Komitəsi tərəfindən hazırlanmış  “Uşaqlar müharibənin günahsız qurbanlarıdır“ adlı kitabın ingilis dilinə tərcümə edilmiş versiyasının təqdimatı keçirilib. Kitab müharibə nəticəsində həlak olmuş, itkin düşmüş, valideynlərini itirmiş və əlil olmuş uşaqlar haqqında real faktların və rəsmi məlumatların toplanılması əsasında hazırlanmışdır. Daha sonra kitabla bağlı məlumatları özündə əks etdirən film nümayiş olunub. Çıxış edən İnsan hüquqları üzrə Müvəkkil (Ombudsman) Elmira Süleymanova bildirib ki, “Uşaqlar müharibənin günahsız qurbanlarıdır” adlı kitab beynəlxalq məhkəmədə ciddi sənəd kimi qəbul olunacaq. Elmira Süleymanova Xocalı soyqırımının əzablarının hər gün hiss olunduğunu, bunun hər birimizin dərdi olduğunu qeyd edib: “Beynəlxalq məhkəmə qurulanda “Uşaqlar müharibənin günahsız qurbanlarıdır” adlı kitab Xocalı haqqında həqiqətləri təqdim edən ən ciddi sənəd rolunu oynayacaq.” Milli Televiziya və Radio Şurasının üzvü Sona Vəliyeva Xocalı faciəsi ilə bağlı həqiqətlərin təbliğ olunması məsələsinə toxunub. O bildirib ki, başımıza gələn faciələrin təbliğati istiqaməti dəyişməlidir.  “Uşaqlar müharibənin günahsız qurbanlarıdır” adlı kitabın Komitə tərəfindən çapının təliğatda mühüm əhəmiyyət kəsb edəcəyini qeyd edən Sona Vəliyeva bildirib ki, diaspora xətti ilə, diplomatik korpusların fəaliyyəti ilə bu kitabın geniş təqdimatı keçirilməlidir. Xocalı faciəsi faktiki sənədlər əsasında təbliğ olunmalıdır. Daha sonra Dini Qurumlarla İş üzrə Dövlət Komitəsi sədrinin birinci müavini Səyyad Salahlı bildirib ki, Xocalı faciəsi ilə bağlı maarifləndirmə işlərinin aparılmasında ölkə televiziyalarının üzərinə yük düşür. Eyni zamanda faciəni xarici ölkədə yaşayan insanlara çatdırmalıyıq ki, erməni vəhşiliklərini görsünlər. Əsir və itkin düşmüş, girov götürülmüş vətəndaşlarla əlaqədar Dövlət Komissiyasının katibi, İçi qrupunun rəhbəri İsmayıl Axundov bildirib ki, “Ermənistan-Azərbaycan, Dağlıq Qarabağ münaqişəsi zamanı itkin düşmüş şəxslər barədə məlumatların toplanması ilə bağlı Əsir və itkin düşmüş, girov götürülmüş vətəndaşlarla əlaqədar Dövlət Komissiyası ciddi iş aparır. Bu çərçivədə naməlum məzarların müəyyənləşdirilməsi vacib əhəmiyyət kəsb edir”. İşçi qrupun rəhbəri qeyd edib ki, Komissiyaya əsir və itkin düşən şəxslərlə bağlı bu gün də müraciətlər daxil olur və onların çoxu həmin dövrdə uşaq olan şəxslərdir. Şura Rayon İcra Başçısı, Dağlıq Qarabağ Bölgəsinin Azərbaycanlı İcması İctimai Birliyinin sədri Bayram Səfərov da çıxış edərək, adı çəkilən kitabın ərsəyə gəlməsində əməyi keçən hər kəsə təşəkkürünü bildirib, xüsusən də kitabın ingilis versiyasının da çapdan çıxarılmasını yüksək qiymətləndirib. O, soydaşlarımızın xüsusi amansızlıq və işgəncələrlə qətlə yetirildiyi Xocalı faciəsinin dəhşətləri barədə danışıb. Bayram Səfərov qeyd edib ki, Xocalı həqiqətlərinin dünyaya tam aydınlığı ilə çatdırılması, hadisənin xalqımıza qarşı soyqırımı aktı kimi tanınması üçün Azərbaycan dövləti bütün zəruri addımları atıb və atmaqdadır. Daha sonra tədbirin iştirakçıları olan uşaqlar Xocalı faciəsi haqqında çıxışlar ediblər. Yekunda “Müharibə uşaqları” adlı film nümayiş olunub.   16807012_1393274554027389_6721089542051133294_n 16939337_1393116277376550_1793334235800279213_n 16996204_1393116450709866_7180177740312628560_n 15975134849433 35496749041536 45440766812562 14879380471741337935_1000x669 14879380473984519661_1000x669 14879380474277248539_1000x669 agladilar 2017

image_pdfimage_print