menu images menu images menu images menu images

SƏSVERMƏ

  • Sizcə məişət zorakılığının kökündə nə durur?

    Nəticələr

    Loading ... Loading ...

“Qadınlar dövlətimizin, dövlətçiliyimizin, müstəqilliyimizin, bu günümüzün, gələcəyimizin dayağıdır” mövzusunda məqalə müsabiqəsinin mükafatlandırma mərasimi keçiriləcək

Hər il olduğu kimi bu il də Azərbaycan Respublikasının Ailə, Qadın və Uşaq Problemləri üzrə Dövlət Komitəsi Yeni Azərbaycan Partiyası ilə birgə Azərbaycan xalqının Ümummilli Lideri, müasir dövrün görkəmli siyasi xadimi, Ulu Öndər Heydər Əliyevin xatirəsinə həsr olunmuş “Qadınlar dövlətimizin, dövlətçiliyimizin, müstəqilliyimizin, bu günümüzün, gələcəyimizin dayağıdır” mövzusunda tələbələr arasında məqalə müsabiqəsi təşkil etmişdir. ƏTRAFLI

image_pdfimage_print

“Gender problemləri və Media” mövzusunda 2 günlük seminar keçiriləcək

Azərbaycan Rerspublikasının Ailə, Qadın və Uşaq Problemləri üzrə Dövlət Komitəsi və Avropa İttifaqının (Aİ) TAİEX proqramının birgə əməkdaşlığı çərçivəsində 2 – 3 may 2017-ci il tarixlərində saat 09:00-da “Excelsior Hotel Baku” mehmanxanasında “Gender problemləri və Media” mövzusunda 2 günlük seminarın keçirilməsi nəzərdə tutulmuşdur.

Beynəlxalq ekspertlərin, dövlət və qeyri-hökumət təşkilatı nümayəndələrinin, jurnalistlərin iştirakı ilə keçiriləcək seminarın əsas məqsədi media tərəfindən gender problemlərinin, məişət zorakılığı məsələlərinin işıqlandırılması və Avropa İttifaqının təcrübəsinin öyrənilməsi istiqamətində təcrübə mübadiləsinin aparılmasından ibarətdir. ƏTRAFLI

image_pdfimage_print

“Qələbəyə doğru” Ümumrespublika intellektual oyununun qalibləri mükafatlandırılıblar

Ailə, Qadın və Uşaq Problemləri üzrə Dövlət Komitəsi tərəfindən hər il ənənəvi olaraq, mart-aprel ayları ərzində ölkə üzrə istedadlı uşaqlardan ibarət komandaların bilik yarışı “Qələbəyə doğru” intellektual oyunu keçirilir. Bu il 2 mart- 19 aprel tarixlərində Mingəçevir, Ağcabədi, Tovuz, Gəncə, Siyəzən, Lənkəran, Saatlı, Şamaxı, Zaqatala, Zəngilan, Bakı şəhərində keçirilən yarışmanın regional seçim mərhələlərində 76 şəhər və rayon komandalarından 12 komanda final mərhələsinə vəsiqə qazanıb. Regional yarışmalarda hər bir komandada intellektual səviyyəsi, dünyagörüşü yüksək olan 5 uşaq  öz bilik və bacarıqlarını nümayiş etdirib.

“Qələbəyə doğru” intellektual oyununun final mərhələsi 28 aprel 2017-ci il tarixdə saat Ailə, Qadın və Uşaq Problemləri üzrə Dövlət Komitəsi, Yasamal rayonu İcra Hakimiyyəti və Bakı Dövlət Universitetinin birgə təşkilatçılığı ilə Bakı Dövlət Universitetində keçirilib. Final mərhələsində Naftalan, Ağstafa, Goranboy, Xaçmaz, Lənkəran, Sabirabad, İsmayıllı, Zaqatala, Cəbrayıl, Sumqayıt, Bakı şəhərinin Xətai rayonunu təmsil edən komandaların, eləcə də qızlardan ibarət “Zəfər” yığma komandasının iştirakı ilə uşaqların bilik yarışı baş tutub.

Yarışmadan sonra Fəxri Xiyabanda akademik, oftalmoloq alim Zərifə xanım Əliyevanın məzarüstü abidəsi ziyarət edilib, daha sonra isə Bakı Dövlət Universitetinin muzeyi və elmi kitabxanası ilə əyani tanışlıq olub.

Tədbirdə BDU-nun rektoru Abel Məhərrəmov,  Ailə, Qadın və Uşaq Problemləri üzrə Dövlət Komitəsin sədri Hicran Hüseynova “Qələbəyə doğru” ümumrespublika intellektual oyununun keçirilməsinin əhəmiyyətindən danışıblar.

Mükafatlandırma mərasimdə I, II, III yerin qalibləri olan komandalara təşkilatçılar tərəfindən diplom və hədiyyələr təqdim olunub. I yerin qalibi olmuş komanda isə Komitə tərəfindən “Qələbəyə doğru” kuboku ilə təltif olunub.

14933798881084914527_1000x669 14933798881981522812_1000x669 14933798883764838653_1000x669 1493379888574534411_1000x669

image_pdfimage_print

“İnsan alverinin qurbanı olma!” adlı maarifləndirmə layihəsi çərçivəsində növbəti tədbir Nəsimi rayonu Namiq Axundov adına 1 N-li məktəbdə keçiriləcək

Azərbaycan Respublikasının Ailə, Qadın və Uşaq Problemləri üzrə Dövlət Komitəsi tərəfindən əhali, xüsusilə gənclər arasında insan alveri  və onun yaratdığı fəsadlara qarşı mübarizə üzrə təbliğat və maarifləndirmə işlərinin gücləndirilməsi istiqamətində  mütəmadi olaraq genişmiqyaslı layihələr həyata keçirilir.

Bu istiqamətdə görülən işlərin davamı olaraq,  “Azərbaycan Respublikasında insan alverinə qarşı mübarizəyə dair 2014-2018-ci illər üçün Milli Fəaliyyət Planı”nın icrası məqsədilə,  İnsan alverinin qurbanı olma!” adlı genişmiqyaslı maarifləndirmə layihəsinə start verilmişdir.

Layihə çərçivəsində növbəti tədbir 28 aprel 2017-ci il tarixində saat 12:00-da
Nəsimi rayonu, Namiq Axundov adına 1 nömrəli tam orta məktəbdə Komitə əməkdaşlarının, eləcə də aidiyyatı dövlət qurumlarının nümayəndələrinin iştirakı ilə yuxarı sinif şagirdləri üçün keçiriləcəkdir.

Layihənin əsas məqsədi şagirdlərin insan alveri probleminin mahiyyəti, mövcud vəziyyət və mübarizə üsulları, eləcə də insan alverinin yaratdığı fəsadlar barəsində məlumatlandırılmasından ibarətdir. Keçiriləcək tədbirdə “İnsan alverinin qurbanı olma” adlı təqdimatın və Komitə tərəfindən keçirilən “Azərbaycan Ailəsi” film festivalına
təqdim edilmiş filmlərin nümayişi nəzərdə tutulmuşdur. Layihə çərçivəsində keçiriləcək tədbirdə Komitə tərəfindən hazırlanmış və çap edilmiş maarifləndirmə vəsaitlərinin paylanılması və müzakirələrin aparılması planlaşdırılır.

“İnsan alverinin qurbanı olma!” adlı layihə çərçivəsində tədbirlərin davam etdirilməsi nəzərdə tutulmuşdur.

image_pdfimage_print