menu images menu images menu images menu images

SƏSVERMƏ

  • Sizcə məişət zorakılığının kökündə nə durur?

    Nəticələr

    Loading ... Loading ...

Qadınlar dövlətimizin, dövlətçiliyimizin, müstəqilliyimizin, bu günümüzün, gələcəyimizin dayağıdır” mövzusunda məqalə müsabiqəsi

Azərbaycan Respublikasının Ailə, Qadın və Uşaq Problemləri üzrə Dövlət Komitəsi Azərbaycan xalqının Ümumilli Lideri, müasir dövrün görkəmli siyasi xadimi, Ulu Öndər Heydər Əliyevin xatirəsinə həsr olunmuş “Qadınlar dövlətimizin, dövlətçiliyimizin, müstəqilliyimizin, bu günümüzün, gələcəyimizin dayağıdır” mövzusunda tələbələr arasında məqalə müsabiqəsi elan edir.

Müsabiqədə iştirak etmək istəyən tələbələr 30 aprel 2017-ci il tarixinə qədər məqalələrini və özləri haqqında məlumatı (adı, soyadı, atasının adı, əlaqə telefonları, təhsil aldığı müəssisə) meqalemusabiqe@gmail.com elektron ünvanına göndərə bilərlər.

Müsabiqəyə təqdim olunacaq məqalələr arial  şriftində 14 ölçüdə, 3-5 səhifə həcmində olmalıdır.

Məqalələr azərbaycan və rus dillərində təqdim oluna bilər.

Müsabiqənin qalibləri mükafatlandırılacaqdır.

Əlaqə nömrəsi: 012 598 51 74

image_pdfimage_print

ELAN

“İctimai iştirakçılıq haqqında” Azərbaycan Respublikası Qanununa əsasən dövlət və cəmiyyət həyatının müxtəlif sahələrində dövlət siyasətinin hazırlanmasında və həyata keçiriməsində, ümumdövlət və yerli səviyyədə qərarların qəbulunda, müvafiq icra hakimiyyəti orqanı tərəfindən müəyyən edilmiş mərkəzi icra hakimiyyəti orqanlarının, yerli icra hakimiyyəti və yerli özünüidarəetmə orqanlarının fəaliyyətinə ictimai nəzarətin təşkilində vətəndaşların və vətəndaş cəmiyyəti institutlarının iştirakı nəzərdə tutulur.

Azərbaycan Respublikasının Nazirlər Kabinetinin 30 may 2014-cü il tarixli 171 nömrəli Qərarı ilə təsdiq edilmiş “İctimai şuranın vətəndaş cəmiyyəti institutları tərəfindən seçilməsinə dair Əsasnamə”yə (http://cabmin.gov.az/?/az/pressreliz/view/1355/) uyğun olaraq Azərbaycan Respublikası Ailə, Qadın və Uşaq Problemləri üzrə Dövlət Komitəsinin Kollegiyasının 13 oktyabr 2016-cı il tarixli, 41-3 nömrəli Qərarı ilə Azərbaycan Respublikası Ailə, Qadın və Uşaq Problemləri üzrə Dövlət Komitəsi yanında İctimai Şuraya seçkinin təşkili məqsədi ilə Seçki Komissiyası yaradılmışdır. Seçki Komissiyasının 10 aprel 2017-ci il tarixli görüşündə  İctimai şuranın üzvlərinin say həddi və İctimai şuraya namizədlərin irəli sürülməsi və qeydiyyatı üçün nəzərdə tutulan müddət müəyyən edilmişdir.

Bununla əlaqədar olaraq 13 aprel 2017-ci il tarixindən 12 may  2017-ci il tarixinədək  Azərbaycan Respublikası Ailə, Qadın və Uşaq Problemləri üzrə Dövlət Komitəsi yanında İctimai Şuraya namizədlərin irəli sürülməsi, qeydiyyatı elan olunur.  Hər bir vətəndaş cəmiyyəti institutu ictimai şuranın üzvlüyünə yalnız bir namizəd irəli sürə bilər.

Namizəd təmsil etdiyi vətəndaş cəmiyyətinin müraciəti əsasında irəli sürülür. Müraciətə aşağıdakı sənədlər əlavə edilməlidir:

  1.  şəxsiyyət vəsiqəsinin surəti;
  2. namizədin tərcümeyi-halı;
  3. namizəd hər hansı bir vətəndaş cəmiyyəti institutunun üzvü olduğu halda həmin üzvlüyü təsdiq edən sənədin surəti.

Tələb olunan sənədlərdən əlavə vətəndaş cəmiyyəti institutu tərəfindən namizəd barədə geniş məlumat verən digər sənədlər də təqdim edilə bilər.

Seçki ilə əlaqədar Azərbaycan Respublikası Ailə, Qadın və Uşaq Problemləri üzrə Dövlət Komitəsinin rəsmi internet poçt ünvanına (office@scfwca.gov.az)  və ya Azərbaycan Respublikası Ailə, Qadın və Uşaq Problemləri üzrə Dövlət Komitəsinin İnformasiya və Analitik araşdırmalar şöbəsinə müraciət edilə bilər.

Əlaqə: 012 498-80-93

image_pdfimage_print

Azərbaycan Respublikasının Ailə Qadın və Uşaq Problemləri üzrə Dövlət Komitəsi AÇIQ TENDER ELAN EDİR

Tender 9 (doqquz) lot üzrə keçiriləçəkdir.

Lot 1. Görkəmli alim Zəhra Quliyevanın yubileyinə həsr olunmuş elmi praktik konfrans, Uşaq hüquqları müvzusunda dəyirmi masa, Qadın cəzaçəkmə müəsssələrində məhkum qadınların problemlərinin öyrənilməsi mövzusunda dəyirmi masanın keçirilməsi.

Lot 2. Cəmiyyətdə gedən sosial-iqtisadi proseslərin ailədaxili münasibətlərə təsiri, qadınların sahibkarlıq fəaliyyətinin dəstəklənməsi, kütləvi informasiya vasitələrinin ailənin formalaşmasına təsiri, Azərbaycan ailəsi filmlər festivalının keçirilməsi.

Lot 3. Beynəlxalq ailə bayramının keçirilməsi, milli-mənəvi dəyərlərin qorunub saxlanılması, telviziya kanallarında efir vaxtının alınması, ailə problemlərində beynəlxalq təcrübənin öyrənilməsi mövzusunda tədbirin keçirilməsi.

Lot 4. İnsan hüquqları sahəsində maarifləndirmə kampaniyası, qadınlara qarşı zorakılığa yox deyək, ailə,qadın, uşaq  jurnalının hazırlanması, mən fəxr edirəm ki, azərbaycanlıyam  mövzusunda tədbir.

Lot 5. Narkotiklərə qarşı mübarizə, sağlam həyat tərzinin təbliği, milli-mənəvi dəyərin təbliği, yaşlı nəslin təcrübəsindən faydalanaq, erkən nikahlara qarşı yox deyək, fiziki qüsurlu uşaqların sosial inklüzivliyi və cəmiyyətə inteqrasiya mövzusunda tədbir .

Lot 6. Sayt üçün xəbərlər portalının yaradılması, zorakılıqla beynəlxalq mübarizə, yetkinlik yaşına çatmayanlar üçün tərbiyəvi təbliğat, uşaqların peşəyönümlüyünün öyrənilməsi, natamam ailələrdə böyüyən uşaqların problemlərinin öyrənilməsi mövzusunda tədbirlərin keçirilməsi.

Lot 7. Gənc qadınlar- onların cəmiyyətdə rolu, ailə, məktəb və cəmiyyət, sosial çarxların hazırlanması, küçə uşaqları, mediada uşaq hüquqları, bayramlarda ehtiyacı olan uşaqlara hədiyyələrin verilməsi, dövlət himayəsində olan uşaqların yetkinlik yaşına çatandan sonra ictimai həyata uyğunlaşması mövzusunda tədbirlərin keçirilməsi.

Lot 8. Uşaqların beynəlxalq müdafiəsi günü, Bakı kəndlərində erkən nikahlara qarşı təbliğat, insan alverinin qurbanı olmuş uşaqların sosial reablitasiyası, uşaqlar və sağlam həyat tərzi, umumdünya uşaqların müdafiəsi gününə həsr olunmuş tədbirlər.

Lot 9. Selektiv abortların, sonsuzluq problemlərinin araşdırılması, beynəlxalq əlillər gününün keçirilməsi, açıq hökumətin təşviqinə dair, qadınlara qarşı ayrı seçkiliyin yol verilməməsi, uşaqlar arasında intihar hallarının aradan qaldırılması mövzusunda tədbir.

Təkliflərin qiymətləndirilməsi aşağıdakı  meyarlara üstünlük veriləcəkdir: aşağı qiymət, yüksək keyfiyyət, müqavilənin vaxtında yerinə yetirilməsi, analoji işlərdə təcrübə.

Müqaviləni yerinə yetirmək üçün tender iştirakçıları  lazımı texniki və maliyyə imkanlarına malik olmalıdırlar.

Tenderlə əlaqədar məlumat almaq üçün maraqlananlar müraciət edə bilərlər.

Əlaqə nömrəsi: 498-69-57 (saat 9-00-dan 18-00 dək bayram və bazar günlərindən başqa)

Ünvan:  Ü. Hacıbəyli küçəsi 80, Hökümət Evi, IV qapı

İddiaçılar 50 (əlli) manat məbləğində iştirak haqqını aşağıda göstərilən hesaba  ödədikdən sonra Əsas şərtlər toplusunu Azərbaycan Respublikasının Ailə Qadın və Uşaq Problemləri üzrə Dövlət Komitəsindən

(Ü. Hacıbəyli küçəsi 80, Hökümət Evi, IV qapı) ala bilərlər.

Dövlət Xəzinədarlıqı Agentliyi

Kod       210005

VÖEN  1401555071

M|H      AZ41NABZ01360100000000003944

S.W.İ.F.T.BİK:CTREAZ 22

Ailə, Qadın və Uşaq Problemləri üzrə Dövlət Komitəsi

Hesab   AZ71CTRE00000000000002318501

VÖEN  1700332731

Fond-7

Kitab nömrəsi-002306-2318501;

Funksional təsnifat-00113;

İqtisadi təsnifat-142340 (sair daxilolmalar)

İştirak haqqı heç bir halda geri qaytarılmır.

Bütün iddiaçılar prosedurda iştirak etmək üçün aşağıdakı sənədləri təqdim etməlidirlər.

-iştirak etmək üçün yazılı müraciət

-İştirak haqqının ödənilməsi barədə bank sənədi

-İddiaçının tam adı, hüquqi statusu, qeydiyyatdan keçdiyi ölkə və rekvizitləri.

- İddiaçının bir il ərzində (əgər daha az müddət fəaliyyət göstərirsə, bütün fəaliyyəti dövründə) maliyyə vəziyyət barədə bank tərəfindən verilmiş arayış.

-təklif (zərflərin açıldığı gündən azı 30 bank günü müddətində qüvvədə olmalıdır)

-təklifin təminatı (zərflərin açıldığı gündən azı 60 bank günü müddətində qüvvədə olmalıdır)

-son bir il ərzində (əgər daha az müddət fəaliyyət göstərirsə, bütün fəaliyyəti dövründə) yerinə yetirdiyi   analoji işlər haqqında məlumat.

Sənədlər Azərbaycan dilində tərtib olunmalıdır.

Bütün iddiaçılar tender prosedurunda iştirak etmək üçün yuxarıda göstərilən ixtisas sənədlərini 12 may 2017-cı il tarixə saat 18-00-a qədər tender komissiyasına təqdim etməlidirlər. İddiaçılar tender təkliflərini və təklifin 1 faizi məbləğində bank təminatını 19 may 2017-cı il saat 18-00 qədər ikiqat bağlı zərflərdə iki nüsxədə tender komissiyasına təqdim etməlidirlər.

Göstərilən vaxtdan gec təqdim olunmuş zərflər qəbul olunmayacaq.

Təklif zərfləri iddiaçılarların iştirakı ilə 29 may 2017-cı il saat  11-00 da Azərbaycan Respublikasının Ailə Qadın və Uşaq Problemləri üzrə Dövlət Komitəsində açılacaqdır.

image_pdfimage_print

Ailə, Qadın və Uşaq Problemləri üzrə Dövlət Komitəsi Azərbaycan Uşaqlarının IV Ümumrespublika Forumuna nümayəndələrin seçimini elan edir

Ailə, Qadın və Uşaq Problemləri üzrə Dövlət Komitəsi, Heydər Əliyev Fondu və UNICEF-lə birgə uşaqların öz hüquqları ilə bağlı qərarların qəbul edilməsində iştirakını təmin etmək, uşaqlara öz problemləri ilə bağlı təşəbbüslərlə çıxış etmək və təkliflər vermək imkanı yaratmaq, həmçinin ictimaiyyətin diqqətinin uşaq hüquqlarının qorunmasına yönəldilməsi məqsədilə 2009-cu ildə Azərbaycan Uşaqlarının I , 2011-ci ildə Azərbaycan Uşaqlarının II, 2014-cü ildə Azərbaycan Uşaqlarının III Ümumrespublika Forumu keçirilmişdir. Forumlar uşaqların ictimai fəallığının artırılmasında, iştirak hüququnun təmin edilməsində və liderlik keyfiyyətlərinin  formalaşmasında mühüm əhəmiyyətə malikdir.

2017-ci ildə Azərbaycan Uşaqlarının IV Ümumrespublika Forumu keçiriləcəkdir. Foruma bütün şəhər və rayonların hər biri üzrə uşaqların seçilməsi məqsədilə Komitə tərəfindən regional  görüşlər  keçirilir. Hər  bir rayon və şəhər üzrə öz  fəallığı və  intellektual səviyyəsi ilə seçilən, fikirlərini sərbəst şəkildə ifadə edə bilən uşaqlar seçilərək forumda iştirak  hüququ  əldə edəcəklər.

Bundan başqa uşaqlar birbaşa müraciət edərək Forumda iştirak etmək hüququ əldə edə bilərlər. Bunun üçün öz fəallığı və intellektual səviyyəsi ilə seçilən, fikirlərini sərbəst ifadə edə bilən IX-XI sinif şagirdləri 1-30 aprel, 2017-ci il tarixlərində aşağıdakı Ərizə forması  doldurularaq ushaq.problemleri@mail.ru ünvanına göndərilməlidir. Müraciət edən hər bir namizədin ərizə forması yoxlanıldıqdan sonra seçilmiş nümayəndələrlə əlaqə saxlanılacaq və onlarla müsahibələr (onlayn görüntü və ya video-müsahibə formasında) keçiriləcəkdir.

Əziz uşaqlar, özünə inanan, bacarığına güvənən hər birinizin müraciətini gözləyirik!

Əlavə məlumat üçün: (012) 598-27-12

forum foto

image_pdfimage_print