Qəbələ rayon Həmzəlli kənd orta məktəbində “Qadın və uşaq zorakılığına və şiddətə son” mövzusunda tədbir keçirilmişdir.

29 апреля 2015

Поделиться:

 29 aprel 2015-ci il tarixində Həmzəlli  kənd orta  məktəbində  “Qadın  və  uşaq  zorakılığına  və  şiddətə  son”  mövzusunda  tədbir  keçirilmişdir.  Tədbirdə məktəbin müəllim  və  yuxarı  sinif şagirdləri,  Həmzəlli  kənd İnzibati Ərazi Nümayəndəliyi   və  digər  əlaqədar  qurumların  nümayəndələri  iştirak etmişdir.

 Mövzu  ilə  bağlı  çıxış edənlər rayonda  bu  sahədəki  mövcud   vəziyyətdən  bəhs  etmiş,    son  illər   əhali  arasında   aparılan   maarifləndirmə  işinin əhəmiyyətindən    söhbət  açmışlar.   Rayonun kənd  və  qəsəbələrində bu  cür  neqativ  halların  az  da  olsa mövcudluğu   qeyd  edilmiş və Qəbələ   Uşaq  və  Ailələrə  Dəstək  Mərkəzi  tərəfindən  bu  kimi  halların  aşkarlanması və qarşısının  alınması istiqamətində işlər görüldüyü bildirildi.

Müzakirələr  zamanı tədbir iştirakçıları kənd  ərazisində  qadın və  uşaq  zorakılığının aşağı  səviyyədə   olmasını, keçirilən   tədbirlər nəticəsində  qızların   təhsildən  yayınma  hallarının  demək olar ki, aradan  qaldırılmasını,  hazırda    əhalinin   təhsilə  böyük  önəm  verildiyini, hər il  ali məktəblərə  daxil  olan  gənclər  arasında  qızların  çoxluq  təşkil  etdiyini, bu  kimi tədbirlərin qadın və uşaq zorakılığının qarşısının  alınmasında  böyük   rol  oynayacağını  qeyd  etmişlər.