Fransa Respublikasının paytaxtı Parisdə Ümumdünya Qadın Sammiti keçirilir

14 iyun 2014

Paylaş:

Azərbaycan Respublikasının  Ailə, Qadın və Uşaq Problemləri üzrə Dövlət Komitəsinin sədri Hicran Hüseynova  Fransa Respublikasının paytaxtı Parisdə   keçirilən Ümumdünya Qadın Sammitində iştirak edir. 5-7 iyun  tarixlərini əhatə  Ümumdünya Qadın Sammiti   qadınların iqtisadi inkişaf sahəsində  mövcud olan praktik strategiyaları və ən yaxşı təcrübəni araşdırmaq  məqsədilə keçirilən biznes və hökümət liderlərinin beynəlxalq formudur.24-cü ilini qeyd edən forumun  əsas iştirakçılarını biznes, hökümət və vətəndaş cəmiyyətinin nümayəndələri təşkil edir. Sammitdə Fransa Respublikasının  Qadın, Gənclər,Şəhər və İdman naziri  xanım Najat Vallaud Belkacem,Kosova prezidenti xanım Atifete Jahjaga,Vyetnamın vitse prezidenti xanım Nguyen Thi Doan, Malaziyanın birinci xanımı Datin Paduka Seri Rosmah binti Mansor, Kanadanın Əmək və Qadınların Statusu üzrə naziri xanım Kellie Leitch,İslandiyanın Daxili İşlər naziri xanım Hanna Birna Kristjansdottir,Yeni Zelandiyanın Sosial İnkişaf naziri xanım Tariana Turia, Mərakeş Krallığının  Həmrəylik,Qadın, Ailə və Sosial İnkişaf naziri xanım Bassima Hakkaoui   və digər ölkə liderləri iştirak edir.

Sammit zamanı Azərbaycan Respublikasının  Ailə, Qadın və Uşaq Problemləri üzrə Dövlət Komitəsinin sədri Hicran Hüseynova Azərbaycan Respublikasında  qadın sahibkarlğının genişləndirilməsi və ölkəmizin bu sahədə  əldə etdiyi nailliyətlər  mövzusunda çıxış etmişdir.Yoxsulluğun Azaldılması və Davamlı İnkişaf üzrə  Dövlət Proqramı və Sahibkarlığa Kömək Milli Fondunun  qadın sahibkarlara ayırdığı  maliyyə kreditləri,  eləcə Mərkəzi Asiya Ölkələrinin iqtisadiyyatı üzrə Xüsusi Proqram (SPECA) çərçivəsində qadın sahibkarlığının inkişafı üzrə keçirlən beynəlxalq konfransların  verdiyi müsbət nəticələr  barədə statistik  məlumatlar qonaqların diqqətinə çatdırılmışdır.

Eyni zamanda komitə sədri  Hicran Hüseynova  Böyük Britaniyanın Məşğulluq naziri xanım Esther Mcvey, Qadın Məsələləri üzrə naziri xanım Nicky Morgan,  Qazaxıstan Respublikasının  Qadın və Ailə Məsələləri üzrə Milli Kommisiyasının sədri xanım Mahabbat Bekbosynovaa, Sloveniya Respublikasının  Əmək,Ailə,Sosial Məsələlər və Bərabər İmkanlar naziri xanım Anja Mrak, Polşa Respublikasinin  Bərabər Imkanlar üzrə Dövlət Katibi xanım Agnieszka Kozlowska – Rajewicz, Mərakeş Krallığının  Həmrəylik,Qadın, Ailə və Sosial İnkişaf naziri xanım Bassima Hakkaoui, BƏƏ-in dövlət naziri xanım Maitha Salem Al Shamsi, ÇXR-ın Qadınlar Federasiyasının vitse prezidenti xanım Meng Xiaosi,  Vyetnamın vitse prezidenti xanım Nguyen Thi Doan və bir sıra digər ölkə rəsmiləri ilə ikitərfli görüşlər keçirmiş və  tərəflər gələcək əməkdaşlıq üçün fikir mübadiləsi aparmışdır.