Ailə, Qadın və Uşaq Problemləri üzrə Dövlət Komitəsi və  Təhsil Nazirliyinin  təşkilatçılığı  ilə təhsil müəssisələrində yeniyetmə və gənclər üçün “Milli-mənəvi, ailə dəyərlərinin təbliği, gənclərin vətənpərvərlik ruhunda tərbiyəsi” mövzusunda növbəti tədbir 12 oktyabr 2021-ci il tarixində ADNSU-nun nəzdində Bakı Neft-Energetika Kollecində müəllim və tələbə heyətinin  iştirakı ilə keçirilib.

Kollecin direktor müavini Hüseyn Hüseynov tədbir iştirakçılarını salamlayaraq  günün aktual mövzusu ilə əlaqədar keçirilən tədbirin  əhəmiyyətini vurğulayıb və mütəmadi əməkdaşlığın vacibliyini bildirib.

Tədbirdə Dövlət Komitəsinin Ailə Problemləri şöbəsinin müdiri Gülnarə Məmmədova təqdimatla çıxış edərək milli – mənəvi, eləcə də ailə dəyərlərimizin qorunmasının, gənclərin vətənpərvərlik ruhunda tərbiyə olunmasının vacibliyini qeyd edib. ​ Eyni zamanda  tədbir iştirakçılarına cəmiyyəti narahat edən ailə problemləri  və onların aradan qaldırılması istiqamətində Komitə tərəfindən görülən işlər barədə məlumat verib.

İştirakçılara  mövzu ilə əlaqədar  maarifləndirici video material  nümayiş etdirilib, “Azərbaycan ailəsi” adlı kitab  təqdim edilib,  onları  maraqlandıran suallar cavablandırılıb.