26 yanvar   2021-ci il tarixində Qəbələ Uşaq və Ailələrə Dəstək Mərkəzinin və KOBİA-nın birgə  təşkilatçılığı ilə   “Sahibkarlığın inkişafı” mövzusunda  maarifləndirici tədbir keçirilib. Tədbirdə Qəbələ UADM-in, KOBİA-nın əməkdaşları və sahibkarlar iştirak ediblər.

Tədbir çərçivəsində ölkəmizdə sahibkarlığın inkişafında dövlət tərəfindən göstərilən qayğı və dəstək mexanizmləri haqqında məlumatlar təqdim edilib. Ölkədə əlverişli biznes mühitinin  yaradılması istiqamətində xarici təcrübənin  öyrənilməsi və onun tətbiqi sahəsində beynəlxalq təşkilatlarla  sıx əməkdaşlıq xüsusilə vurğulanıb. Ailə biznesinin inkişafı, qadın sahibkarların fəaliyyətinə dəstək məqsədilə həyata keçirilən layihələr və biznes kreditlərin verilməsi üçün yaradılan imtiyazlar müzakirə edilib.

Tədbirin sonunda iştirakçıların sualları cavablandırılıb.