18 oktyabr 2019-cu il tarixində Goranboy, Sabirabad Uşaq və Ailələrə Dəstək Mərkəzlərin əməkdaşları tərəfindən Goranboy 1 saylı tam orta məktəb, Sabirabad 5 saylı orta məktəb, Ağdam UADM-dən bəhrələnən köçkün uşaqların iştirakı ilə Ağdam Bayraq Muzeyi, Qəbələ UADM  əməkdaşları tərəfindən Qəbələ 1 saylı tam orta məktəbdə, Saatlı UADM-də mərkəzdən bəhrələnən uşaqların və valideynlərin iştirakı ilə “18 oktyabr – Azərbaycanın Dövlət Müstəqilliyi Günüdür” adlı tədbir keçirilib.

Tədbir məktəblərdə Azərbaycan Respublikasının Dövlət himninin səsləndirilməsi ilə başlayıb.

Bildirilib ki, 18 oktyabr – Azərbaycanın Dövlət Müstəqilliyi Günüdür. 28 il əvvəl “Azərbaycan Respublikası Ali Soveti Dövlət müstəqilliyi haqqında” Konstitusiya Aktını qəbul etdi. Ulu öndər Heydər Əliyevin ölkədə xaos və anarxiyanı, cəmiyyətdə hökm sürən iqtisadi, siyasi və mənəvi psixoloji gərginliyi aradan qaldıraraq, Müstəqil Azərbaycan Respublikasının əsasının möhkəm dayaqlar üzərində qoyulduğu qeyd edilib: “Bunun nəticəsidir ki, artıq Azərbaycan dünyanın nüfuzlu dövlətləri sırasında uğurlu siyasəti ilə özünəməxsus yer tutmuşdur. Ulu öndər Heydər Əliyevin Azərbaycanın qüdrətli dövlətə çevrilməsinə yönəlmiş müdrik siyasəti bu gün Prezident İlham Əliyev tərəfindən uğurla davam etdirilir. Azərbaycan gündən - günə daha da güclənir, qüdrətlənir. Son illərdə Azərbaycanın iqtisadiyyatında, hərbi quruculuğunda, elm, mədəniyyət, səhiyyə, təhsil, idman, insanların sosial müdafiəsi sahələrində böyük uğurlar əldə edilib.

Tədbirdə şagirdləri maraqlandıran suallar cavablandırılıb. Sabirabadda tədbir şagirlərin hazırladıqları “Müstəqil Azərbaycanım” adlı şer kompazisiyası ilə yekunlaşıb. Ağdam UADM-in əməkdaşları köçkün uşaqlarla birlikdə Şəhidlər Xiyabanını ziyarət edib. Qəbələ UADM-də qeydiyyatda olan uşaqların hazırladığı bədii kompozisiya dinlənilib və müstəqilliyə aid video – çarx nümayiş etdirilib.