7 oktyabr 2019-cu il tarixində Goranboy Uşaq və Ailələrə Dəstək Mərkəzinin əməkdaşları tərəfindən Goranboy şəhər 1 saylı tam orta məktəbdə aşağı sinif şagirdləri ilə “Uşaqların asudə vaxtının səmərəli təşkili” adlı tədbir keçirildi.

Tədbirdə Goranboy Uşaq və Ailələrə Dəstək Mərkəzinin əməkdaşları, müəllimlər və 12 şagird iştirak etmişdir. Tədbir Tarix və Diyarşünaslıq muzeylərinə səfər şəklində keçirildi.

Ekskursiya zamanı  şagirdlər eramızdan əvvəl orta əsrlərə qədər dövrü əhatə edən keramika, məişət və bəzək əşyaları, qədim zamanda insanların yaşayış tərzi ilə tanış olublar.

Qeyd edək ki, məktəblilər üçün maarifləndirici tədbir və ekskursiyaların təşkil olunmasında əsas məqsəd şagirdlərin asudə vaxtlarını səmərəli təşkil etmək, onların dünyagörüşünü, bilik və bacarıqlarını artırmaq, uşaqlara milli-mənəvi dəyərlərimizə hörmət hissi aşılamaq, tarixi abidələrimiz haqqında dolğun məlumatları çatdırmaqdan ibarətdir.

Tədbir zamanı şagirdlərin müxtəlif suallarına ətraflı cavablar verildi.