“Narkomaniya XXI əsrin bəlasıdır” mövzusunda orta məktəblərdə təbliğat keçirilir
Paylaş:
Aprelin 27-də Ağdam Uşaq və Ailələrə Dəstək Mərkəzi tərəfindən İmamqulubəyli qəsəbəsində yerləşən 135 və 92 saylı köçkün tam orta məktəbinin 60 nəfər şagird və müəllim kollektivi ilə “Narkotik vasitələrin psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nın 4.4.32 bəndinə əsasən şəhər və rayonlarda gənclərin asudə vaxtının təşkili məsələlərinə diqqətin artırılması məqsədilə “Narkomaniya XXI əsrin bəlasıdır”-adlı mühazirə keçirilmişdir.
Mərkəzin Direktoru və sosial iş üzrə mütəxəssisləri tərəfindən narkotik maddələrdən istifadənin insan sağlamlığına və iqtisadi durumuna ziyanları haqqında mühazirə oxundu.
İştirakçılar fəallıq göstərərək mövzu ətrafında aparılan müzakirələrdə aktiv iştirak etdilər.
Tədbirin sonunda iştirakçılara mərkəz tərəfindən hazırlanmış “Narkotik maddələr və onun insan sağlamlığına zərərləri”, “Narkomaniyaya yox deyək” adlı buklet və məlumat vərəqələri paylandı.