Beynəlxalq təşkilatlar və xarici ölkələrlə əməkdaşlıq
MEMORANDUM VƏ SAZİŞLƏR
-
Azərbaycan Respublikasının Ailə, Qadın və Uşaq Problemləri üzrə Dövlət Komitəsi ilə İordaniya Haşimilər Krallığının Qadın Məsələləri üzrə Milli Komissiyası arasında əməkdaşlıq haqqında 2014-cü il oktyabrın 20-də Bakı şəhərində imzalanmış Memorandum
-
30 yanvar 2007-ci il tarixində Fransa Respublikası Əmək, Sosial Bərabərlik və Yaşayış Nazirliyi ilə əməkdaşlıq haqqında İnzibati Razılaşma” imzalanmışdır.
-
26 yanvar 2010-cu il tarixində Küveyt Dövlətinin Qadın məsələləri üzrə Komitəsi ilə qadın, uşaq və ailə məsələləri sahəsində əməkdaşlıq haqqında Saziş imzalanmışdır.
-
3 iyun 2010-cu il tarixində Belarus Respublikasının Əmək və Sosial Müdafiə Nazirliyi ilə qarşılıqlı əməkdaşlıq haqqında Saziş imzalanmışdır.
-
15 iyun 2010-cu il tarixində Mərakeş Krallığının Sosial İnkişaf, Ailə və Həmrəylik Nazirliyi ilə ailə, qadınların inkişafı və uşaqların müdafiəsi sahələrində əməkdaşlıq haqqında Memorandum”u imzalanmışdır.
-
25 oktyabr 2011-ci il tarixində Türkiyə Respublikası Hökuməti ilə ailə, qadın və uşaq məsələləri üzrə siyasət sahəsində Əməkdaşlıq Protokolu imzalanmışdır.
-
29 avqust 2012-ci il tarixində Latviya Respublikasının Rifah Nazirliyi ilə qarşılıqlı əməkdaşlıq haqqında Memorandum imzalanmışdır
Tvinninq layihələri haqqında qısa məlumat
Tvinninq proqramı Avropa Komissiyasının təşəbbüsüdür və 1998-ci ildə Avropa İttifaqının (Aİ) genişlənməsinə hazırlıq kontekstində başlamışdır. Bu, ilk öncə Avropa İttifaqının gələcək üzvləri kimi namizəd ölkələrə İttifaqın qanunvericiliyinin həyata keçirilməsi imkanlarının gücləndirilməsi üçün yardım etmək məqsədilə yaradılmış inzibati əməkdaşlıq vasitəsi kimi qəbul edilmişdir.
2003-cü ilin sonlarından etibarən bu imkan yeni müstəqillik qazanmış ölkələr və Aralıq dənizinin cənub regionu ölkələri üçün də açılmışdır. Bu kontekstdə onlar Avropa Qonşuluq Siyasəti üzrə fəaliyyət planlarını həyata keçirən instrumentə çevrildilər.
Bu məlumatın hazırlandığı vaxtda bu layihə də daxil olmaqla Azərbaycanda 11 Tvinninq Layihəsi həyata keçirilir.
Layihənin əsas tərəfdaşları
- Benefisiar tərəf: Azərbaycan Respublikasının Ailə, Qadın və Uşaq Problemləri üzrə Dövlət Komitəsi (AQUPDK).
- Tərəfdaşlar: Fransa Respublikası AQUPDK ilə birlikdə layihəni həyata keçirmək üçün digər Aİ ölkələri arasından seçilmişdir. Fransa Respublikası tərəfdən layihəyə cəlb olunan müəssisələr:
– Həmrəylik və Sosial Birlik Nazirliyinin bir hissəsi olan Sosial Birlik üzrə Baş Direktorluq. Bu Fransada AQUPDK-ya analoji qurumdur.
– GIP International – Əmək, Məşğulluq və Səhiyyə Nazirliyinin beynəlxalq əməkdaşlıq üzrə qurumu.
- Donor: Avropa İttifaqı
Gözlənilən nəticələr
Bu layihə AQUPDK, Aİ Nümayəndəliyi və Fransa tərəfdaşları tərəfindən müəyyən edilən nəticələrə nail olmaq üçün hazırlanmışdır.
Layihəmizin ən əsas məqsədi həssas ailələr, qadın və uşaqların hüquqlarının təşviq və müdafiə edilməsidir.
Daha dəqiq desək, layihədə 4 komponent üzrə məqsəd təyin etmişik: qanunvericilik; AQUPDK-nın institusional inkişafı; təlim və peşəkar bacarıqların artırılması; məlumatlandırmanın artırılması.
- Qanunvericilik
– Beynəlxalq övladlığa götürmə üzrə yeni qanun təklifinin hazırlanması
- 2010-ci ildə qəbul edilmiş məişət zorakılığına qarşı mübarizə haqqında yeni qanunun həyata keçirilməsinin dəstəklənməsi
AQUPDK-nın institusional inkişafı
– AQUPDK-nın əlaqələndirmə imkanlarının artırılması
– AQUPDK-ya cinslər üzrə bölünmüş statistikanın toplanması və monitorinqinin keçirilməsinə imkan verən vasitələr və prosedurların hazırlanması
– AQUPDK-nın regional səviyyədə imkanlarının artırılması
– Məişət zorakılığı qurbanları üçün regional sığınacağın açılması
– Həssas qrupdan olan ailələr, qadınlar və uşaqların hüquqlarının müdafiəsi üzrə Milli Fəaliyyət Planının qəbul edilməsi
– Gender bərabərliyi və uşaqların müdafiəsi sahəsində fəaliyyət göstərən vətəndaş cəmiyyəti üzvlərindən ibarət şəbəkənin yaradılması
- Peşəkar bacarıqların artırılması
– AQUPDK və onun tərəfdaşları üçün təlim cədvəlinin hazırlanması və həyata keçirilməsi
– Dövlət siyasətinin həyata keçirilməsində iştirakçı yanaşmanın tətbiq edilməsi üçün AQUPDK-nın dəstəklənməsi
- Məlumatlandırmanın artırılması
– Məişət zorakılığının qarşısının alınması və ona qarşı mübarizə üzrə milli kampaniyanın başlanması
– Gender və ailə məsələləri üzrə resurs mərkəzinin yaradılması
– Məişət zorakılığı qurbanları üçün qaynar xəttin açılması
Bu əsaslar ilə layihəmiz 31 fəaliyyət üzərində qurulmuşdur. Hər bir fəaliyyət yuxarıda qeyd edilən nəticələrə nail olmaq üçün öz töhfəsini verəcəkdir.
Bizim heyətimiz
Layihə iki layihə rəhbəri tərəfindən idarə olunur:
- Azərbaycan Respublikası tərəfdən layihə rəhbəri: xanım Hicran HÜSEYNOVA, Ailə, Qadın və Uşaq Problemləri üzrə Dövlət Komitəsinin sədri
- Fransa Respublikası tərəfdən layihə rəhbəri: xanım Marie KEIRLE, Sosial Birlik üzrə Baş Direktorluğun Avropa və Beynəlxalq Məsələlər Departamentinin rəhbəri
Layihənin əlaqələndirilməsi ilə məşğul olan daimi Tvinninq heyəti AQUPDK-nın inzibati binasında yerləşir. Heyət bir Rezident Tvinninq Müşaviri olan cənab Alain LAFERTE, bir köməkçi və bir tərcüməçidən ibarətdir.mə
Bu daimi heyət layihədə iştirak edən 40 Fransız və Avropalı ekspertlərin cəmi 330 iş günündən ibarət missiyasını hazırlayır və əlavə dəstək göstərir.
Layihənin müddəti
Layihə 2011-ci ilin iyul ayından 2013-cü ilin may ayınadək olan 22 ay müddətində davam edəcəkdir.
Əlavə məlumat üçün aşağıdakı əlaqə vasitələrinə müraciət edə bilərsiniz:
Alain LAFERTE, Rezident Tvinninq Müşaviri (Fransız və ingilis dillərində)
alain.laferte@travail.gouv.fr
Tel: +994 12 498 43 24
Mob: +994 55 297 01 59
Lalə RZAYEVA, Rezident Tvinninq Müşavirinin Köməkçisi (Azərbaycan, ingilis və rus dillərində):
lala.twinning@yahoo.com
Tel: +994 12 498 43 24
Mob: +994 51 944 68 60