erkennnnnnnnnnnnnnnnnİsmayıllı Uşaq və Ailələrə Dəstək Mərkəzinə kənd məktəblərinin birində  üç X sinif şagirdinin nişanlanması və bu səbəbdən təhsildən yayınması barədə məlumat daxil olmuşdu. Məlumatla əlaqədar olaraq  Mərkəzin işçiləri adı çəkilən məktəbdə olmuş, məktəbin direktoru ilə birlikdə həmin sinfin şagirdləri ilə görüşmüşlər. Səmimi keçən söhbət nəticəsində  məlum olub ki, həqiqətən hələ 16 yaşı olmayan  Ç., R.  və E. adlı qızları valideynləri nişanlayıblar və onlar artıq xeyli müddətdir ki, məktəbə gəlmirlər.

İsmayıllı UADM əməkdaşları İsmayıllı Rayon İcra Hakimiyyəti başçısının həmin  inzibati ərazi bölgəsi üzrə nümayəndəsi ilə birlikdə qızların valideynlərini məktəbə dəvət etmiş və onlarla söhbət aparmış, AQUPDK-nın erkən nikahla bağlı valideynlərə ünvanlanmış məktubu ilə tanış edilmişdir. Valideynlər dövlətin qanunlarına hörmət etdiklərini, qanunları pozmayacaqlarını və qızlarının məktəbə gəlmələrini təmin edəcəklərini bildirmişlər. Qızlardan 2-si valideynləri ilə birlikdə məktəbə gəlmiş  və dərslərdə iştirak etmişdilər.

  Məktəbin direktoru və kənd İcra nümayəndəsi qızların dərsə davamiyyətini təmin edəcəklərini və müəyyən edilmiş yaş həddinə çatmadan ailə qurmalarına imkan verməyəcəklərini  bildirdilər.

   Mərkəzin işçiləri məktəbin VIII–XI sinif qızları ilə erkən nikah, yoluxucu xəstəliklər və QİÇS-lə təlim aparmış, onlara bukletlər, valideynlərinə təqdim etmək üçün Ailə, Qadın və Uşaq Problemləri üzrə Dövlət Komitəsi, İsmayıllı rayon İcra Hakimiyyəti və İsmayıllı UADM məktubunu paylamışlar.

image_pdfimage_print

  • Facebook
  • Twitter
  • Email
  • RSS
  • LinkedIn