menu images menu images menu images menu images

SƏSVERMƏ

  • Sizcə məişət zorakılığının kökündə nə durur?

    Nəticələr

    Loading ... Loading ...

BMT-nin Təhlükəsizlik Şurasının 1325 saylı Qətnaməsinin Azərbaycan üçün Milli Fəaliyyət Planının hazırlanması üzrə İşçi Qrupuna təlimlər keçirildi

20-21 aprel tarixlərində Hökumət Evinin Akt zalında BMT-nin Təhlükəsizlik Şurasının 1325 saylı Qətnaməsinin Azərbaycan üçün Milli Fəaliyyət Planının hazırlanması üzrə İşçi Qrupuna təlimlər keçirilib. Təlimlər 2 gün Ailə, Qadın və Uşaq Problemləri üzrə Dövlət Komitəsinin, Rasional İnkişaf Uğrunda Qadınlar Cəmiyyətinin, “Gender Port” beynəlxalq təşkilatının və Böyük Brtitaniya hökumətinin təşkilatçılığı ilə keçirilib.

Təlimin birinci günündə Gürcüstandan olan ekspertlər Elena Rusetskaya, Mamuka Gaçeçiladze “BMT-nin Təhlükəsizlik Şurasının 1325 saylı Qətnaməsinin icrası ilə bağlı Qlobal təhlilin nəticələri”, Gürcüstanda bu Milli Fəaliyyət Planının hazırlanması mexanizmləri və icrası ilə bağlı məlumatları diqqətə çatdırıblar. Beynəlxalq ekspert, CEDAW (Qadınlara qarşı ayrı-seçkiliyin bütün növlərinin aradan qaldırılması üzrə BMT Konvensiyası) Komitəsinin üzvü Pramila Patten “Milli Fəaliyyət Planının hazırlanması üçün 5 əsas sütun” mövzusunda, eyni zamanda əsas prinsiplər, indikatorlar və digər məsələlər ilə bağlı İşçi Qrupunu təlimatlandırıb.

Təlimin ikinci günündə Milli Fəaliyyət Planının effektiv şəkildə hazırlanması prosesi, icrası, monitorinq və qiymətləndirilməsi prosesində vətəndaş cəmiyyətinin rolu haqqında məlumatlar İşçi Qrupunun nəzərinə çatdırılıb.

Müzakirələr şəklində keçən təlimin sonunda qrup çalışmaları edilib və gələcək planlarla bağlı fikirlər səsləndirilib.

 

Foto (101) Foto (87) 8H9A9961 8H9A9902 8H9A9872

image_pdfimage_print

“Qadın sahibkarlığının inkişafı: problemlər və perspektivlər” mövzusunda beynəlxalq konfrans keçiriləcək

25 aprel 2017-ci il tarixində saat 11:00-da “Boulevard Hotel Baku”  mehmanxanasındaAzərbaycan Respublikasının Ailə, Qadın və Uşaq Problemləri üzrə Dövlət Komitəsi, Azərbaycan Respublikasının İqtisadiyyat Nazirliyi və Azərbaycan Respublikası Sahibkarlar (İşəgötürənlər) Milli Konfederasiyası tərəfindən “Qadın sahibkarlığının inkişafı: problemlər və perspektivlər”   mövzusunda beynəlxalq  konfrans keçiriləcəkdir.

Konfransın keçirilməsində məqsəd qadınların sahibkarlıq fəaliyyətini artırmaq, onların hüquqların qorunması və layiqli əməyin təmin olunması, müasir dövrün və əmək bazarının tələblərindən irəli gələn istiqamətlər üzrə maarifləndirici layihələrin keçirilməsi sahəsində əməkdaşlıq etmək, perspektivlərin müəyyən edilməsidir.

Konfrans çərçivəsində  “Qadın sahibkarlığının inkişafı  iqtisadi siyasətin prioritet istiqamətlərindən biri kimi: sahibkarlığa  göstərilən dövlət dəstəyi mexanizmləri”, “Qadın sahibkarlığının inkişafında yeni meyllər:  müsbət  tendensiyalar,  təşəbbüslər və  qazanılmış təcrübə”, “Maarifləndirmə qadınların iqtisadi asılılığının aradan qaldırılmasında, mövcud stereotiplərin ləğvində əsas amil kimi” mövzular üzrə sessiyalar təşkil olunacaqdır. Tədbirdə yüksək səviyyəli dövlət məmurlarının və nüfuzlu qonaqların, eləcə də  Türkiyə, Rusiya Federasiyası, Özbəkistan, Tacikistan, Qırğızıstan, Əfqanıstan, Belarusiya, Rumıniya, İsveç MərakeşKrallığı, Cənubi Koreyadan olan  nüfuzlu qonaqların iştirakı planlaşdırılır.

Konfransda yerli qonaqlarla bərabər Özbəkistan Respublikasının Baş nazirinin müavini xanım Tənzilə Narbayeva, BMT-nin Azərbaycandakı Rezident Əlaqələndiricisi və BMTİP-in Rezident Nümayəndəsi cənab Qulam İsakzai, Tacikistan Respublikası hökuməti yanında Qadın və Ailə Məsələləri üzrə Komitənin sədri xanım Qosimzoda İdigul, Türkiyə Respublikasının Ailə və Sosial Siyasət naziri xanım Fatma Betül Sayan Kaya, Belarusiya Qadınlar İttifaqının Rəyasət Heyətinin üzvü xanım Lyudmila Kandraşova, Belarusiya Respublikasının “Sutoria” ayaqqabı emalatxanasının direktoru xanım Marina Şalima, Mərakeş Krallığının fövqəladə və səlahiyyətli səfiri cənab Mohamed Adil Embarç, Əfqanıstan İslam Respublikasının Qadın Məsələləri üzrə naziri xanım Delbar Nazari, Rumıniyanın Gender Bərəbərliyi üzrə Milli Agentliyinin böyük məsləhətçisi xanım  Aurora Martin, Koreya Republikasının “Estrella” Beynəlxalq şirkətinin prezidenti xanım Kim Hyun Suk, Koreya Respublikasının “Jablemedi” şirkətinin direktoru xanım Jin Saerom, İsveç Winnet (qadın və sahibkarlıq üzrə milli resurs mərkəzi) şirkətinin vitse prezidenti xanım Anu Majkvist,  Moskva Ticarət və Sənaye Palatasının üzvü, Moskva Sahibkarlar Assosiasiyasının sədri, “İnconnect” şirkətinin baş direktoru xanım Tatyana Sadofyeva,Qırğızıstan Respublikasının  Əmək və Sosial İnkişaf Nazirliyinin baş mütəxəssisləri  xanım Kasımbaeva Saulevə xanım Zhupueva Aidana və digər nüfuzlu qonaqların çıxışları gözlənilir.

image_pdfimage_print

Qadınlar dövlətimizin, dövlətçiliyimizin, müstəqilliyimizin, bu günümüzün, gələcəyimizin dayağıdır

Bakı Ali Neft Məktəbində (BANM) Azərbaycan xalqının Ümummilli lideri Heydər Əliyevin anadan olmasının 94-cü ildönümünə həsr olunmuş “Qadınlar dövlətimizin, dövlətçiliyimizin, müstəqilliyimizin, bu günümüzün, gələcəyimizin dayağıdır” mövzusunda keçirilən məqalə müsabiqəsi ilə əlaqədar Ali Məktəbin tələbələri ilə görüş keçirildi. Görüşdə BANM-in Tədris, elm və beynəlxalq əlaqələr üzrə prorektoru Ramiz Hümbətov, Yeni Azərbaycan Partiyasının (YAP) Qadınlar şurasının idarə heyətinin üzvü Zərifə Quliyeva, Ailə, qadın və uşaq problemləri üzrə Dövlət komitəsinin İnformasiya və analitik araşdırmalar şöbəsinin müdiri Elgün Səfərov, YAP-ın Xətai rayon təşkilatının Qadınlar şurasının sədri Aygün Əhmədli və Ali Məktəbin professor-müəllim heyəti iştirak etdilər.

Tədbiri giriş sözləri ilə açan Tədris, elm və beynəlxalq əlaqələr üzrə prorektoru Ramiz Hümbətov bildirib ki, Ümummilli lider Heydər Əliyevin qayğısı və diqqəti ilə cəmiyyətin ictimai-siyasi, elm və mədəni həyatında qadınların rolu ciddi şəkildə artırılıb. Azərbaycan qadınlarının bütün sahələrdə olan uğurlarına bu gün də dövlət tərəfindən böyük qiymət verilir.

YAP-ın Qadınlar şurasının idarə heyətinin üzvü Zərifə Quliyeva qeyd etdi ki, Ümumilli lider Heydər Əliyevin Azərbaycan qadını haqqında söylədiyi fikir və tövsiyələri dövlət qadın siyasətinin inkişaf istiqamətlərinin proqramı kimi gənclər arasında təbliğ etmək, istedadlı gənclərin yaradıcılıq imkanlarının aşkar olunmasına şərait yaratmaqdır.

Ailə, qadın və uşaq problemləri üzrə Dövlət komitəsinin İnformasiya və analitik araşdırmalar şöbəsinin müdiri Elgün Səfərov müsabiqənin keçirilməsinin məqsədləri açıqlayaraq, qeyd etdi ki, müsabiqədə iştirak etmək istəyənlər 30 aprel 2017-ci il tarixinə qədər məqalələrini və özləri haqqında məlumatı (adı, soyadı, atasının adı, əlaqə telefonları, işlədiyi yer) meqale-musabiqesi@inbox.ru elektron ünvanına göndərə bilərlər. E.Səfərov dövlətin qadın siyasətinə olan xüsusi qayğısından, qanunlardan, fərman və sərəncamlardan bəhs edərək bildirdi ki, ölkəmizdə qadınlarla bağlı məsələlər dövlətin xüsusi diqqət mərkəzindədir.

Daha sonra YAP-ın Xətai rayon təşkilatının Qadınlar şurasının sədri Aygün Əhmədli ölkənin ictimai həyatında qadınların fəal iştirakından söz açaraq qeyd etdi ki, bu gün Azərbaycanın birinci vitse-prezidenti Mehriban xanım Əliyevanın uğurlu və səmərəli fəaliyyətinin nəinki ölkəmizin, eləcə də dünya qadınları üçün nümunədir.

Sonda BANM-in qonaqları Ali Məktəbin tələbələrinin çoxsaylı sualları cavablandırdılar.

 

2

image_pdfimage_print

Qəbələ Uşaq və Ailələrə Dəstək Mərkəzinin təşkilatçılığı ilə Qəbələ rayon Peşə məktəbində narkomaniya və onun fəsadları mövzusunda maarifləndirmə tədbiri keçirilib

19 aprel tarixində Qəbələ Uşaq və Ailələrə Dəstək Mərkəzinin əməkdaşları, Rayon Polis şöbəsinin inspektoru, həkim-psixiatr, peşə məktəbinin müəllim və tələbə heyətinin iştirak ilə tədbir keçirilib. Tədbirdə iştirakçılara narkomaniyanın cəmiyyətə vurduğu zərər, onunla mübarizə yolları, narkotik maddələrin istifadəsi və onların qanunsuz dövriyyəsinə qarşı mübarizə haqqında qanunvericiliyin tələbləri, narkomaniyanın insan orqanizminə məhvedici təsiri, narkomaniyaya düçar olmuş şəxslərin müalicəsi, erkən müalicənin labüdlüyü, narkomaniyanın insan psixologiyasında və ailə həyatında yaratdığı fəsadlar barədə ətraflı məlumat verilib. Tədbirdə narkomaniyanın insan həyatına vurduğu zərəri daha dolğun çatdırmaq üçün video çarx nümayiş olunub və gənclər sağlam həyat tərzi yaşamağa, asudə vaxtlarını səmərəli keçirməyə səslənib.

IMG_20170419_113628 IMG_20170419_110656 IMG_20170419_104440 IMG_20170419_104419 IMG_20170419_104342 IMG_20170419_104310 IMG_20170419_103850

image_pdfimage_print