menu images menu images menu images menu images

SƏSVERMƏ

  • Sizcə məişət zorakılığının kökündə nə durur?

    Nəticələr

    Loading ... Loading ...

“Azərbaycan ailəsi 2017” film festivalına start verilir

Без имени-1

Без имени-2

Без имени-3

 

 

 

 

 

30 mart 2017-ci il tarixində Azərbaycan Respublikasının Ailə, Qadın və Uşaq Problemləri üzrə Dövlət Komitəsi, Heydər Əliyev Fondu və BMT-nin Əhali Fondunun birgə təşkilatçılığı ilə 9-cu “Azərbaycan ailəsi 2017” film festivalına start verilir.

2009-cu ildən etibarən həyata keçirilən və beynəlxalq xarakter daşıyan “Azərbaycan ailəsi” film festivalı və festival çərçivəsində keçirilən “Həyatdan şəkilə” adlı fotomüsabiqənin əsas məqsədi kinematoqrafiya və fotoqrafiya sənətinin vasitəsi ilə ailə dəyərlərinin təbliği, milli-mənəvi dəyərlərin qorunub saxlanılaraq gələcək nəsillərə ötürülməsi, cəmiyyətdə mövcud olan problemlərin işıqlandırılması, gənclərdə yaradıcılıq qabiliyyətinin aşkar olunması, eləcə də ailə məsələlərini əks etdirən video və foto materiallardan ibarət fondun zənginləşdirilməsi və təqdim edilən işlərin maarifləndirmə məqsədilə cəmiyyət üzvlərinə nümayiş etdirilməsidir.

“Azərbaycan ailəsi 2017” film festivalının və “Həyatdan şəkilə” adlı fotomüsabiqənin keçirilməsinin şərtlərini, qaliblərin müəyyənləşdirilməsi və mükafatlandırılması qaydalarını özündə əks etdirən əsasnamə  və iştirakçılar üçün anket formaları festivalın Təşkilat Komitəsi tərəfindən hazırlanaraq Komitənin rəsmi internet səhifəsində (www.scfwca.gov.az) yerləşdirilib.

Festivalın məqsədinə və ideyasına uyğun olan bədii, sənədli, animasiya filmləri, sosial çarxlar, televiziya verilişləri, fotoşəkillər və “Xarici film” nominasiyası üzrə xarici rejissorlar tərəfindən təqdim edilən (öz ölkələrinin milli ailə dəyərlərini əks etdirən) filmlər 30 mart 2017-ci il tarixindən – 01 oktyabr 2017-ci il tarixinədək festivalın Təşkilat Komitəsinə (AQUPDK, Hökumət Evi, 4-cü qapı ünvanı) təqdim edilə bilər. Festivala təqdim olunan işlər ictimaiyyətin görkəmli elm, mədəniyyət xadimlərindən və aidiyyəti qurumların nümayəndələrindən ibarət münsiflər heyəti tərəfindən qiymətləndiriləcək. Festival haqqında bütün məlumatlar Komitənin rəsmi internet səhifəsindən (www.scfwca.gov.az) və 493 79 62 əlaqə telefonlarından əldə oluna bilər.

Yaşından asılı olmayaraq cəmiyyət üzvlərini festivalda iştirak etməyə və bütün dünyaya örnək Azərbaycan ailə modelinin təbliğinə, ailədaxili problemlərin ictimailəşdirilərək həll yollarının tapılmasına töhfə verməyə dəvət edirik.

image_pdfimage_print

“Mən həyatı seçirəm” adlı genişmiqyaslı maarifləndirmə layihəsi çərçivəsində növbəti tədbir keçiriləcək

Ailə, Qadın və Uşaq Problemləri üzrə Dövlət Komitəsi tərəfindən mütəmadi olaraq, Respublikamızın şəhər və rayonlarında reproduktiv sağlamlıq və sağlam həyat tərzinin təbliği, gənclərin asudə vaxtın səmərəli şəkildə təşkili, onların ailə həyatına hazırlığı və digər mövzular ətrafında müxtəlif layihələr həyata keçirilir.

Bu istiqamətdə keçirilən layihələrin davamı olaraq, “Mən həyatı seçirəm” adlı genişmiqyaslı maarifləndirmə layihəsi çərçivəsində növbəti tədbirin 31 mart 2017-ci il tarixində saat 12:00-da Azərbaycan Dövlət Pedagoji Universiteti nəzdində Azərbaycan Dövlət Pedagoji Kollecində keçiriləcək. Tədbirdə  ekspert qismində “Sağlam ailə” Tibb Mərkəzinin əməkdaşlarının  iştirakı  da  nəzərdə tutulur.

Layihə çərçivəsində keçiriləcək tədbirdə sağlam həyat tərzi, reproduktiv sağlamlıq , erkən nikah, nikahdan əvvəl tibbi müayinənin təbliği,  ailə planlaşdırılması, uşaqların ana südü ilə qidalanması, qeyri–infeksion xəstəliklərin profilaktikası, talassemiya ilə mübarizə və ziyanlı vərdişlərin (narkomaniya, alkoqolizm, siqaret, QİÇS) yaratdığı fəsadlar və digər mövzular ətrafında müzakirələr keçiriləcəkdir.

image_pdfimage_print

Gədəbəy rayonunda ailə, qadın və uşaq məsələləri ilə bağlı vətəndaşların qəbulu keçiriləcək

Azərbaycan Respublikası Prezidentinin tapşırığına əsasən, ölkəmizin bölgələrində nazir və komitə sədrləri tərəfindən vətəndaşların qəbulu davam  edir.

7 aprel 2017-ci il tarixində Azərbaycan Respublikasının Ailə, Qadın və Uşaq Problemləri üzrə Dövlət Komitəsinin sədri xanım Hicran Hüseynova Gədəbəy rayonunda saat 14:00-da Aşıq musiqili məktəbində vətəndaşların qəbulunu keçirəcək. Qəbulda Qazax, Ağstafa, Şəmkir, Daşkəsən, Tovuz, Gədəbəy rayonlarının sakinləri qadın və uşaq hüquqlarının müdafiəsi, məşğulluq, sağlamlıq və digər məsələlərlə bağlı iştirak edəcəklər.

Qəbulda vətəndaşların ərizə, təklif və tövsiyələrinə baxılması nəzərdə tutulur.

Qəbuldan sonra rayonun fəal qadınları ilə görüşün keçirilməsi planlaşdırılır. Görüş çərçivəsində Gədəbəy rayonunda qadın və uşaq hüquqlarının müdafiəsi, qadın sahibkarlığının inkişafı və digər mövzular üzrə müzakirələr ediləcək.

image_pdfimage_print

Ağdam Köçkün məktəblərində “Müharibə uşaqların gözü ilə” adlı debat keçirildi

Martın 28-də Ağdam Uşaq və Ailələrə Dəstək Mərkəzinin təşkilatçılığı ilə İkinci 4 Yol qəsəbə orta məktəbində yuxarı sinif şagirdləri ilə ”Müharibə uşaqların gözü ilə” adlı debat  keçirilib.

Mərkəzin işçiləri tərəfindən debatın keçirilməsi məqsədi haqqında iştirakçılara  məlumat verilib.

İştirakçılar müharibəni insan psixologiyasına təsiri, sosial və iqtisadi vəziyyətin pisləşməsi səbəbi kimi dəyərləndiriblər. Müharibədə uşaqların iştirakı yolverilməzdir. Müharibələrin yaratdığı köçkünlük və didərginlik həyatının onların gələcək inkişafına mane olması, uşaq hüquqlarının pozulması, valideynlərinin müharibədə itirərək valideyn himayəsindən məhrum olmaları səbəbləri debat iştirakçıları tərəfindən pislənilib.

 

Фото0764 Фото0770

image_pdfimage_print