menu images menu images menu images menu images

SƏSVERMƏ

  • Sizcə məişət zorakılığının kökündə nə durur?

    Nəticələr

    Loading ... Loading ...

Komitədə İsveçin “Kvinna till Kvinna” qeyri-hökumət təşkilatının regional direktoru ilə görüş keçirilib

6 aprel 2017-ci il tarixində Ailə, Qadın və Uşaq Problemləri üzrə Dövlət Komitəsinin sədri Hicran Hüseynovanın İsveçin “Kvinna till Kvinna” qeyri-hökumət təşkilatının regional direktoru Elizabet Brandberq ilə görüşü keçirilib.

Görüşdə İsveç səfirliyinin müvəqqəti işlər vəkili Tomas Danestad və Komitə əməkdaşları iştirak ediblər.

Hicran Hüseynova bir sıra beynəlxalq təşkilatlarla ölkələrimiz arasında əməkdaşlığı yüksək qiymətləndirib və birgə həyata keçirilən tədbirləri diqqətə çatdırıb. Görüş çərçivəsində Azərbaycan Respublikasının məişət zorakılığı ilə mübarizə, hüquqlarının müdafiəsi, qadınların bələdiyyədə, qərar qəbuletmədə təmsilçiliyinin artırılması, qadınların iqtisadi fəallığının artırılması, qadın sahibkarlığının inkişaf etdirilməsi və digər sahələrdə təcrübəsi qonaqlara çatdırılıb.

Komitə sədri Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevayanın fəaliyyətini xüsusilə qeyd edərək, bildirib ki, “Məişət zorakılığının qarşısının alınması haqqında” Azərbaycan Respublikasının Qanununun qəbul edilməsində millət vəkili kimi onun böyük rolu olmuşdur. Həmçinin qeyd edib ki, hazırda bütün yerli icra hakimiyyətlərində müvafiq yerli icra orqanlarının nümayəndələrindən ibarət  gender zorakılığı və uşaqlara qarşı zorakılıq üzrə monitorinq qrupları yaradılmış, gender məsələləri üzrə əlaqələndirici şəxslər təyin  edilmişdir. Monitorinq qrupları baş vermiş zorakılıq hallarını araşdırır, zorakılıq törətmiş şəxsə qarşı müvafiq tədbirlərin görülməsi, həmçinin zərərçəkmiş şəxslə profilaktiki işin təşkili, psixoloji və hüquqi yardımların göstərilməsi üzrə  funksiyaları həyata keçirir.

Sonra Hicran Hüseynova qeyd edib ki, “Qadınlar Cənubi Qafqazda Münaqişələrin Qarşısının Alınması və Sülh  Yaradılması uğrunda” regional layihəsinin prisipləri ilə ölkəmizdə “Koalisiya 1325” adlı qadın təşkilatı yaradılıb və uzun illərdir ki, səmərəli fəaliyyət göstərir. Hazırda bu layihə əsasında Milli Fəaliyyət Planı hazırlanır və İşçi qrupun görüşləri keçirilir.

Daha sonra qonaqlar səmimi qəbul üçün minnətdarlığını bildirib. İsveçin “Kvinna till Kvinna” qeyri-hökumət təşkilatının regional direktoru Elizabet Brandberq çıxış edərək, öz fəaliyyətləri haqqında geniş məlumat verib. Qadın hüquqlarının qorunması, məişət zorakılığının qarşısının alınması, həmçinin qadınların iqtisadi müstəqilliyini artıran layihələrin həyata keçirilməsinin vacibliyini vurğulayıb.

Sonda ikitərəfli layihələrin həyata keçirilməsi, bu sahədə effektivliyin artırılması məqsədilə müzakirələr aparılıb və cari il ərzində də əməkdaşlığın gücləndirilməsinə dair qərar verilib.

 

IMG_5916 IMG_5917 IMG_5919

image_pdfimage_print

Dövlət Komitəsinin sədri Hicran Hüseynova BMT-nin Mərkəzi Asiya İqtisadiyyatları üçün Xüsusi Proqramının Gender və İqtisadiyyat üzrə Tematik İşçi Qrupunun iclasında çıxış edib

27 fevral 2017-ci il tarixində Cenevrə şəhərində BMT-nin Mərkəzi Asiya İqtisadiyyatları üçün Xüsusi Proqramının (SPECA) Gender və İqtisadiyyat üzrə Tematik İşçi Qrupunun iclası keçirilib.

İclasa BMT-nin Mərkəzi Asiya İqtisadiyyatları üçün Xüsusi Proqramının (SPECA) Gender və İqtisadiyyat üzrə tematik Qrupunun rəhbəri kimi Azərbaycan sədrlik edib. Tədbirdə Ailə, Qadın və Uşaq Problemləri üzrə Dövlət Komitəsinin sədri Hicran Hüseynovanın başçılıq etdiyi nümayəndə heyəti iştirak edib.

Çıxış edən Dövlət Komitəsinin sədri Hicran Hüseynova tədbir iştirakçılarını salamlayaraq, bildirib ki, əvvəlki görüşlərimizdəki kimi biz iqtisadiyyatda qadınların inkişafı məsələsini müzakirə edəcəyik, dayanıqlı inkişaf məqsədləri və digər istiqamətlərdə təcrübə mübadiləsi aparacağıq. “2014-ci ildəki son iclasımızdan bu yana biz, xüsusən də, iqtisadiyyatda qadınların səlahiyyətlərinin genişləndirilməsi sahəsində xeyli irəliləyişlər və nailiyyətlər əldə etdik. Bu gün görüşümüzün əsas məqsədi iqtisadi sahədə gender bərabərliyi üçün vacib olan dayanıqlı inkişaf məqsədlərinə diqqət çəkməkdir”.

Hicran Hüseynova qeyd edib ki, Azərbaycanda ölkə başçısı cənab İlham Əliyevin Sərəncamı ilə Davamlı İnkişaf üçün Milli Koordinasiya Şurası yaradılmışdır və bu addım BMT tərəfindən yüksək qiymətləndirilmişdir. Şuranın əsas məqsədi davamlı inkişaf məqsədlərinə uyğun olaraq, sosial-iqtisadi sahəni əhatə edən dövlət proqramları və strategiyalarını həyata keçirməkdir. Hər ay iqtisadi inkişaf və məşğulluq, sosial və ekoloji məsələlər, monitorinq və qiymətləndirmə üzrə işçi qruplarının iclası keçirilir.

Hicran Hüseynova bildirib ki, BMT-nin Mərkəzi Asiya ölkələrinin iqtisadiyatları üçün Xüsusi Proqramının “Əməkdaşlıq vasitəsilə davamlı inkişaf məqsədlərinin həyata keçirilməsinin gücləndirilməsi” mövzusunda İqtisadi Forum və Rəhbərlər Şurasının 11-ci sessiyası 22-23 noyabr, 2016-cı il tarixində Gəncə şəhərində keçirilmiş və Gəncə Bəyənnaməsi qəbul edilmişdir.

Qadınların iqtisadi müstəqilliyi, siyasi və ictimai həyatında fəal iştirakının əsas məsələlərdən biri olduğunu qeyd edən Dövlət Komitəsinin sədri bildirib ki, ölkə başçısı biznes müəssisələrinin, sahibkarlıq obyektlərinin inkişafı üçün əlverişli şəraitin yaradılmasına və fəaliyyətinə xüsusi diqqət yetirir. Sahibkarlığa Kömək Milli Fondu tərəfindən də qadın sahibkarlığının inkişafı, xüsusən də kənd yerlərində qadınların sahibkarlığa cəlb edilməsi üçün geniş dəstək təmin edilir.

Hicran Hüseynova bildirib ki, 2017-ci ildə Strateji Yol Xəritəsi təsdiq edilmişdir. O, Prezidentin sərəncamı ilə yaradılan ABAD (Ailə Biznesinə ASAN Dəstək) haqqında geniş məlumatı iştirakçıların diqqətinə çatdırıb. Komitə sədri qeyd edib ki, ABAD sosil-iqtisadi inkişafda vətəndaşların fəal iştirakını təmin etmək, ailə əməyinə əsaslanan təsərrüfatların fəaliyyətini dəstəkləmək, kiçik və orta sahibkarlığı stimullaşdırmaq, əhalinin məşğulluğunun artırılması sahəsində əlavə imkanları yaratmaq məqsədilə yaradılmışdır.

O diqqətə çatdırıb ki, bu gün çalışan qadınların 69 %-i özəl sektorda, 31 %-i isə dövlət sektorundadır. Qadın sahibkarların sayı 2016-ci ildə 143090 nəfərə çatmışdır, lakin əvvəlki illərdə bu rəqəm aşağı olmuşdur .

Dövlət Komitəsinin sədri sahibkarlığın inkişafı istiqamətində Komitə tərəfindən həyata keçirilən digər tədbirləri, aparılan müzakirələri və əldə edilən nəticələri də diqqətə çatdırıb. O, Komitənin BMTİP ilə əməkdaşlıq çərçivəsində bukletlər, tədris materialları hazırlanaraq gənc kənd qadınlar arasında sahibkarlığın inkişafı üçün istifadə edilmişdir. Komitə tərəfindən bölgələrdə “Gələcəyinizi Planlaşdırın”, “Ailə büdcəsinin idarə edilməsi” mövzularında təlimlər keçirilir.

Tədbirdə digər ölkələrin nümayəndələri tərəfindən qadınların iqtisadiyyatda irəliləməsi və gender bərabərliyi üzrə BMT-nin Dayanıqlı İnkişaf Məqsədlərinə nail olmaq istiqamətində SPECA ölkələrində görülən işlərin müzakirəsi aparılıb.

Tədbir çərçivəsində Dövlət Komitəsinin sədri Hicran Hüseynovanın BMT-nin Ərzaq və Kənd Təsərrüfatı Təşkilatının (FAO) Mərkəzi Asiya və Avropa Regional Büronun gender bərabərliyi və sosial məsələlər üzrə eksperti Dono Abdurazakova ilə görüşü keçirilib, kənd yerlərində kiçik və orta qadın sahibkarlığının inkişaf etdirilməsi müzakirə edilib.

 

17005889_1866146423669777_143830454_n 17035633_1866146397003113_1552456275_n (1)

image_pdfimage_print

Komitə sədri Hicran Hüseynova Səudiyyə Ərəbistanı Krallığında keçirilən konfransda çıxış edib

8-9 fevral 2017-ci il tarixində Səudiyyə Ərəbistanı Krallığının Ciddə şəhərində İslam Əməkdaşlıq Təşkilatına (İƏT) üzv dövlətlərin birinci Nazirlər Konfransı işinə başlayıb. Konfrans “İslam Əməkdaşlıq Təşkilatı dövlətlərində evlilik, ailə institutu və bu dəyərlərin qorunması” mövzusuna həsr olunub.

Səudiyyə Ərəbistanı Əmək və Sosial İnkişaf Nazirliyinin insan hüquqları komitəsinin İƏT ilə birlikdə təşkil etdiyi konfransa quruma üzv 56 ölkədən nümayəndə heyəti iştirak edib. Tədbirin açılışında konfransın keçirilməsi ilə bağlı yaradılan Büronun sədri Səudiyyə Ərəbistanı Krallığı, sədr müavini isə Azərbaycan Respublikası seçilib.

Konfranda İslamda ailə dəyərlərinə münasibət, qadın hüquqlarının müdafiəsi, Ərəb, Asiya və Afrika ölkələrində ailə institutunun üzləşdiyi problemlər ətrafında müzakirələr aparılıb.

Konfranda Azərbaycan Respublikasını Ailə, Qadın və Uşaq Problemləri üzrə Dövlət Komitəsinin sədri Hicran Hüseynova təmsil edib. Komitə sədri çıxış edərək, ailə dəyərlərinin qorunması, gələcək nəsillərə ötürülməsi, ölkəmizdə ailəyə verilən qiymət və bu sahədə aparılan dövlət siyasəti haqqında məlumatları diqqətə çatdırıb.

Hicran Hüseynova Azərbaycan Respublikasının Prezidenti cənab İlham Əliyevin 2017-ci ili ölkədə “İslam Həmrəyliyi ili” elan etdiyini qeyd edib və əlavə edib ki, paytaxt Bakının İslam Həmrəyliyi Oyunlarına ev sahibliyi edəcəyi Azərbaycanın İslam dünyasının həmrəyliyinə verilən əhəmiyyətin bariz nümunəsidir.

Komitə sədri bildirib ki, hər bir xalqın öz ailə modeli vardır. Ailə üzvləri arasında səmimi əlaqələr, yaşlı nəslin nümayəndələrinə hörmət və valideyn-uşaq münasibətlərinin düzgün formalaşması Azərbaycan ailəsinin əsas dəyərlərindəndir. O, dövlət siyasətinin əsas istiqamətlərindən birinin ailə olduğunu qeyd edərək əlavə edib ki, bu gün ölkəmizdə gənc ailələrin, qaçqın və məcburi köçkün ailələrin sosial vəziyyətlərinin yaxşılaşdırılması prioritetlər siyahısındadır. Əsrlər boyu Azərbaycan ailə modelinin dəyərləri qorunub saxlanılır. Ailə institutuna ölkə rəhbərliyi tərəfindən xüsusi diqqət və qayğı ilə yanaşıldığını qeyd edən Hicran Hüseynova bu istiqamətdə həyata keçirilən tədbirləri və imzalanan mühüm sənədləri, Qanunları, eyni zamanda “Azərbaycan 2020: Gələcəyə Baxış” İnkişaf Konsepsiyası haqqında məlumatları diqqətə çatdırıb.

İslam dəyərlərinin və mədəniyyətlərarası dialoqun təşviqində Azərbaycanın birinci xanımı, UNESCO və İSESCO-nun xoşməramlı səfri Mehriban Əliyevanın rəhbərlik etdiyi Heydər Əliyev Fondunun rolunu vurğulayan Komitə sədri bildirib ki, Fond təhsil, səhiyyə, ailə və sosial məsələlər kimi sahələrdə kampaniyaların və layihələrin artırılması üçün böyük miqyaslı maarifləndirmə tədbirləri həyata keçirir.

Hicran Hüseynova Ailə, Qadın və Uşaq Problemləri üzrə Dövlət Komitəsi tərəfindən görülən işlər haqqında da danışaraq, hər il keçirilən Ailə Bayramları, Azərbaycan ailəsi film festivalı və digər layihələri qeyd edərək, ailə dəyərlərinin gənc nəslə aşılanması, ailə institutunun mühafizəsi istiqamətində reallaşan tədbirləri qeyd edib.

O təkliflərini irəli sürərək bildirib ki, kütləvi informasiya vasitələrində ailə dəyərləri, sağlam həyat tərzi daim təbliğ olunmalıdır. Qaçqın və məcburi köçkün ailələrin sosial problemlərinin həlli, onların cəmiyyətə inteqrasiyası, zorakılıq hallarının qarşısının alınması istiqamətində birgə proqramlar hazırlanmalıdır. Komitə sədri çıxışının yekununda iştirakçılara müraciət edərək bildirib: “Hər bir ailənin xoşbəxtliyi, hər uşağın xoşbəxtliyidir” loqosu altında bütün səylərimizi birləşdirməliyik.

Konfransda ailə problemləri üzrə nazirlər, komitə sədrləri, hökumət üzvləri, beynəlxalq və regional təşkilatların nümayəndələri İƏT-ə üzv ölkələrdə nikah və ailə institutunun gücləndirilməsi, dəyərlərin qorunması sahəsində göstərilən cəhdlər, davamlı inkişafın hədəflərinin həyata keçirilməsində ailənin rolu, qadına qarşı zorakılıq halları ilə mübarizə və digər məsələləri müzakirə ediblər.

Konfrans çərçivəsində Komitə sədri Hicran Hüseynova İslam Əməkdaşlıq Təşkilatının baş katibi Yousef bin Ahmed Al-Othaimeen və Səudiyyə Ərəbistanı Krallığının Əmək və Sosial İnkişaf naziri Ali bin Nasser al Ghafis ilə görüşlər keçirib. Görüşlərdə Azərbaycanla əməkdaşlığın gücləndirilməsi məsələləri müzakirə edilib və təcrübə mübadiləsi aparılıb. Eyni zamanda Mərakeş Krallığı, Türkiyə Respublikası, Əfqanıstan İslam Respublikası dövlətlərinin də ailə, qadın və uşaq məsələləri üzrə müvafiq nazirləri ilə görüşlər baş tutub.

16651019_10211146856001026_1190044814_o 16651069_10211146856281033_1188508465_o

16586733_10211146482711694_1381856793_o 16593815_10211146431790421_618763596_o 16650991_10211146437790571_1034496464_o

image_pdfimage_print

Dövlət Komitəsinin sədri İran İslam Respublikasının Azərbaycan Respublikasındakı səfiri ilə görüş keçirdi

15 noyabr  2016-ci il tarixində Azərbaycan Respublikası Ailə, Qadın və Uşaq Problemləri üzrə Dövlət Komitəsinin sədri xanım Hicran Hüseynova İran İslam Respublikasının Azərbaycan Respublikasındakı səfiri cənab Cavad Cahangirzadəni qəbul edib.

Dövlət Komitəsinin sədri Hicran Hüseynova əvvəlcə, Türkiyədə keçirilən “İslam Əməkdaşlıq Təşkilatına üzv dövlətlərin inkişafında qadınların rolu” mövzusundakı konfrans çərçivəsində İran Prezidentinin Ailə və Qadın məsələləri üzrə müavini Şahindoxt Molaverdi ilə görüşünü qeyd edərək, müzakirə olunan məsələlərin əhəmiyyətini vurğulayıb.

Daha sonra xanım Hicran Hüseynova dövlətin yaratdığı imkanlar sayəsində Azərbaycan qadınlarının fəaliyyətini, onların müxtəlif sahələrdə təmsil olunmasını diqqətə çatdırıb. Sahibkar qadınların saylarının ildən-ilə artmasını qeyd edən Dövlət Komitəsinin sədri İranda da qadın sahibkarların güclü potensialları olduğunu bildirib. Hicran Hüseynova beynəlxalq aləmdə müsəlman qadınlarına münasibətin birmənalı olmadığını, ancaq bunun əksinə onların hər bir sahədə inkişaf etdiyini, dövlət qurumlarında, özəl idarələrdə, iqtisadiyyatın hər bir sahəsində təmsil olunduğunu bildirib.

Komitə sədri Heydər Əliyev Fondunun Prezidenti, Azərbaycanın birinci xanım Mehriban Əliyevanın fəaliyyətini xüsusilə qeyd edərək, onun qadınlarımız üçün bir nümunə olduğunu diqqətə çatdırıb.

Çıxış edən İran İslam Respublikasının Azərbaycan Respublikasındakı səfiri cənab    Cavad Cahangirzadə Azərbaycanla ilə bütün sahələr üzrə əməkdaşlığın genişləndirilməsinə hazır olduğunu bildirib. O, qadınların irəli çəkilməsi ilə bağlı İran təcrübəsini bölüşüb. Səfir İran İslam Respublikasında qadınların cəmiyyətdə kifayət qədər fəal olduqlarını, onlar üçün hər cür imkanların yaradıldığını qeyd edib. O, Azərbaycanla ikitərəfli əlaqələrin genişləndirilməsinin və təcrübə mübadiləsi aparılmasının  mühüm  əhəmiyyət kəsb etdiyini bildirib.

Görüş çərçivəsində gələcək planlar və növbəti ildə birgə konfransın keçirilməsi müzakirə olunub.

IMG_5767 IMG_5771 IMG_5776 IMG_5780

image_pdfimage_print